හෘද රෝග තිබේ නම් බබෙක්‌ හදන්න
එපා !
වෛද්‍ය උපදෙස්‌ ගන්න



හෘද රෝග කවර තත්ත්වයේ පුද්ගලයකු තුළ වුවද ඇති කරන්නේ අවදානම්කාරී තත්ත්වයකි. මෙම තත්ත්වය ගර්භනී කාන්තාවන් තුළ විශේෂ අවදානමක්‌ ඇතිකරයි.

කාන්තාවන් අතර දක්‌නට ලැබෙන හෘද රෝග අතරින් සමහරක්‌ උපතින් ම තිබූ ඒවාය. අනෙක්‌වා උපතින් පසු වැළදුන ඒවාය. රූමටික්‌ උණ නැමති රෝගය සුළඟින් බෝවන බැක්‌ටීරියා විෂබීජ ආශ්‍රිත රෝගයක්‌ ලෙස සැලකේ. මෙම රෝගය වැඩි පිරිසක්‌ ජීවත්වන කුඩා නිවෙස්‌වල සෞඛ්‍යමය වශයෙන් නුසුදුසු ජනාකීර්ණ පරිසරයක බහුලව පැතිරේ. මිනිසුන්ගේ ජිවන රටාවන් දියුණු වීමත් සමඟම පරිසරයේ තත්ත්වය ඉහළ යැමෙන් දැන් මෙම රෝගය එතරම් තදින් පැතිරෙන්නේ නැත. මෙම රෝගයේ ලක්‌ෂණ වන්නේ උණ සමඟ හන්දි වේදනාව සහ ඉදිමීමයි. භයානක තත්ත්වය වන්නේ හෘද කපාට වලට බලපෑමෙන් ඇතිවන හෘද රෝග තත්ත්වයයි. පෙනිසිලින් නම් එන්නත මගින් විෂබීජ පාලන කිරීම සඳහා මෙම රෝගීන්ට කාලයක්‌ යනතුරු එම එන්නත ලබාදෙනු ලැබේ. මේ හේතුවෙන්ද දැන් රූමටික්‌ හෘද රෝගීන් අඩු වෙමින් පවතී.

මීට අමතරව හෘද කපාට වල රෝග උපතින් ම ඇතිව බිහිවන දරුවන් ඇත. නවීන වෛද්‍ය ක්‍රම මගින් කපාට ගැටලු ඇති දරුවන්ගෙන් බොහෝ දෙනෙකුට විසඳුම් ලැබේ. ඔවුන්ගේ ආයුෂ පෙර මෙන් නොව වෛද්‍ය තාක්‌ෂණයේ පිහිටෙන් දැන් වැඩි වී ඇත. එබැවින් ගැබ් ගැනීමේ වයසේ කාන්තාවන් අතරද මෙවැනි ගැටලු සහිත කාන්තාවන් සිටිය හැක.

ගැබ් ගැනීමේදී සිරුරේ සිදුවන වෙනස්‌ වීම් නිසා හෘද කපාට රෝග ඇති කාන්තාවක ගැබ් ගැනීමක්‌ සමඟ ක්‍රමයෙන් රෝගි තත්ත්වයකට පත්විය හැක. ගර්භයේ වැඩීමත් සමඟ තත්ත්වය බරපතල වී ජීවිතයට පවා තර්ජනයක්‌ විය හැක. එබැවින් එවැනි කාන්තාවක්‌ ගැබ් ගැනීමට පෙර වෛද්‍ය උපදෙස්‌ ලබා ගත යුතුයි. තවදුරටත් පරික්‌ෂණ සඳහා හෘද රෝග අංශයට යොමු වීමෙන් හෘදයේ තත්ත්වය බලාගත යුතුයි. මෙම පරික්‌ෂණ වලින් ලබාගන්නා තොරතුරු අනුව ගැබ් ගැනීමේ සුදුසු නුසුදුසු භාවය ගැන වෛද්‍යවරු විසින් උපදෙස්‌ ලබාදෙනු ඇත. මේවා අකුරට ම පිළිsපැදීම ඉතා ම වැදගත් ය. සමහර හෘද කපාට රෝග ගැබ් ගැනීමට පෙර ශල්‍යකර්ම මගින් නිවැරදි කරගත යුතුයි. මේවා සඳහා ප්‍රතිකාර ක්‍රම ලංකාවේ රාජ්‍ය අංශයේ රෝහල් වලින් ලබාගත හැක. මෙම තත්ත්වයන් සඳහා නිසි ප්‍රතිකාර නොගැනීමෙන් සහ තත්ත්වය නොසලකා හැරීමෙන් මව්වරුන්ගේ ජීවිතය නැතිවන අවස්‌ථා ඇත. විශේෂයෙන්ම දරු ප්‍රසූතියෙන් පසුව ශරීරයේ ඇතිවන වෙනස්‌කම් නිසා තත්ත්වය වේගයෙන් බරපතල විය හැක. මවක්‌ නැති දරුවකු රැගෙන ගෙදර යැමට සිදුවන අවස්‌ථා ඇත.

තවද අද ජීවන රටාවේ අඩුපාඩුකම් සහ මානසික ආතතිය වැඩිවීමෙන් හෘද රෝග වැළදීම අඩු වයස්‌ කාන්තාවන් අතර දැකිය හැක. එනම් ව්‍යායාම අඩුවිම, අධික මේදය සහිත ආහාර ගැනීම වැනි හේතුන් නිසා අධික රුධිර පීඩනය සහ දියවැඩියා රෝගය වැනි රෝග සමඟම හෘද රෝගද වයසින් අඩු පිරිමින් මෙන් ම කාන්තාවන් අතරද දැකිය හැක. මෙවැනි හෘද රෝග ගැබිනි සමයේ ඇතිවීමෙන් තත්ත්වය තවත් බරපතල විය හැක. එබැවින් අධික රුධිර පීඩනය, දියවැඩියාව වැනි රෝග ඇති කාන්තාවන් ගැබ් ගැනීමට පෙර එම තත්ත්වයන් හොදින් පාලනය කරගත යුතුයි.

තවද නීරක්‌තිය ගර්භණී සමයේ දී විවිධ ආකාරයෙන් හානිකර විය හැක. කලලයට අවශ්‍ය රුධිර සැපයුම අඩු වීමට අමතරව මවගේ සෞඛ්‍යයටද මෙහි බලපෑම් ඇත. එනම් ගැබිනි සමයේ වැඩිපුර ක්‍රියාකාරි වන හෘදය නීරක්‌තිය නිසා තවත් දුර්වල තත්ත්වයකට පත්විය හැක. එබැවින් ශරීරයේ රුධිර තත්ත්වය මනා ලෙස පවත්වා ගැනීම ගැබ් ගැනීමට පෙර සිට ම සිදුකල යුතුයි.

හෘද රෝග සහිත කාන්තාවන් ගැබ් ගැනීම සඳහා සූදානම් වූ අවස්‌ථාවේදී සහ දරු ප්‍රසූතියෙන් පසුවද උපත් පාලන ක්‍රම භාවිත කළ යුතුය. මේ සඳහා තමාට සුදුසු උපත්පාලන ක්‍රමයක්‌ තම වෛද්‍යවරයා සමග සාකච්ඡා කර තෝරා ගත යුතුයි. ඕනෑම උපත් පාලන ක්‍රමයක්‌ මෙවැනි රෝග වලින් පසුවන කාන්තාවන්ට සුදුසු වන්නේ නැත. එබැවින් වෛද්‍ය උපදෙස්‌ ලබාගැනීම වැදගත් ය.


වෛද්‍ය
චම්පා නෙල්සන්

සමෙහි තෙතමනය රඳා පැවතීම අවශ්‍යද?

සමෙහි තෙතමනය රඳා පැවතීම අවශ්‍යද? එසේ නම් තෙතමනය රඳා පවත්වාගන්නේ කෙසේද?

ඔව්.. සමෙහි තෙතමනය රඳා පවත්වා ගැනීම අවශ්‍ය වේ. නිරන්තරයෙන් සම හරහා ශරීර අභ්‍යන්තරයේ සිට ජලය මතුපිටට ගමන් කරයි. එය අපි "ට්‍රාන්ස්‌ එපිඩමල් වෝටර් ක්‍රොස්‌" ලෙස හඳුන්වමු. අපිචර්මය හරහා නිරන්තරයෙන් ජලය මතුපිටට කාන්දුවීමක්‌ මේ ක්‍රියාවලිය හරහා සිදුවේ. මෙසේ කාන්දුවන ජලය වාෂ්ප වී යැමේ හැකියාවක්‌ ඇත. එය වළක්‌වන්නේ අපේ සම තුළ ඇති ස්‌නේහස්‍රාවී ග්‍රන්ථි මඟින් නිෂ්පාදනය වන ස්‌නේහය හෙවත් තෙල් ස්‌ථරය මගිනි.

අපිචර්මය මත තෙල් ස්‌ථරයක්‌ රැඳීමෙන් අපිචර්මය මතට කාන්දුවන ජලය වාෂ්පවීම වළකයි. මෙම ක්‍රියාවලියෙන් අපිචර්මය මත ජලය රැඳී පවතියි. ජලය රැඳුණු අපිචර්මය බොහෝ නිරෝගී වේ. අපිචර්මය තුළ නිවැරදි ජල ප්‍රමාණය තිබීමේ වාසිය වන්නේ අපිචර්මයේ කාර්යයන් ඉතාම සාර්ථකව කිරීමට හැකියාව ලැබීමයි.


සමෙහි තෙතමනය රඳා නොපැවතීමට වෙනත් සාධක බලපානවාද?

ඔව්... නමුත් විවිධ හේතු නිසා සමෙහි තෙතමනය අවශ්‍ය පරිදි රඳා නොපවතින අවස්‌ථාද තිබේ. කෙනෙකුගේ උපතින්ම ස්‌නේහස්‍රාවී ග්‍රන්ථි මගින් නිෂ්පාදනය වන ස්‌නේහ ප්‍රමාණය අඩු නම්, අපිචර්මය මතට විවරවන ස්‌නේහස්‍රාවී ග්‍රන්ථි ප්‍රමාණය අඩු නම්, ඇතැමෙකුගේ රෝග තත්ත්වයන් නිසා ස්‌නේහ නිෂ්පාදනය අඩු නම්, තවත් විටෙක විවිධ ආලේපන දීර්ඝ කාලයක්‌ පාවිච්චි කිරීමෙන් ස්‌නේහය නිෂ්පාදනය අඩු නම් මෙවැනි තත්ත්ව ඇති වේ. මෙවැනි අයගේ තෙල් ස්‌ථරය සමහර විට ඉතා සියුම් ස්‌ථරයක්‌ ලෙස පිහිටයි. එසේත් නොමැති නම් තැනින් තැන පමණක්‌ පිහිටයි. එවැනි තත්ත්ව යටතේ අපිචර්මය හරහා උඩට එන ජලය අපිචර්මය තුළ නොරැඳී වාෂ්ප වී වාතයට එකතු වේ. එවිට අපිචර්මය වියළීමට පටන් ගනී. සම වියළීම ලෙස අපි අදහස්‌ කරන්නේ අපිචර්මය වියළීමයි.

අපිචර්මය වියළීම වැලැක්‌වීම සඳහා ස්‌වභාවිකවම අප ශරීරය තුළින් ලබාදෙන ප්‍රතික්‍රියාව වන්නේ තෙල් ස්‌ථරය නිෂ්පාදනයයි. මෙම තෙල් තට්‌ටුව අපිචර්මය මත නැතිනම් පිටතින් තෙල් ස්‌ථරයක්‌ ලබාදීමට අපට සිදුවේ. එසේත් නොමැතිනම් තෙල් ස්‌ථරය ලබාදෙන ගමන් සමට පිටින් ජලය සැපයීමක්‌ ද සිදුකළ යුතුය.



සමට තෙතමනය ලබාදෙන්නේ කෙසේද?

කෙනෙකුට සෑම විටම අපිචර්මය මත ජලය ආලේප කරමින් සිටිය නොහැකියි. අපි සාමාන්‍යයෙන් පාවිච්චි කරන පොල්තෙල්, තලතෙල්, ඔලිව් තෙල්, එඬරු තෙල් වැනි තෙල්වර්ග ආලේප කිරීමෙන් ද තෙල් ස්‌ථරයක්‌ සම මත ඇති කරගත හැකියි. නමුත් ඒවා ප්‍රායෝගිකව භාවිත කළ නොහැකියි. එයින් අපහසුවක්‌ ඇති වේ. මෙවැනි තෙල් සම මතුපිට ආලේප කිරීමෙන් සමෙහි ඇති රෝම කූප විවරයන් වැසීමෙන් ඒවා හරහා නිෂ්පාදනය වන තෙල් මෙම රෝම කූප තුළ එකතු වී ඒවා තුළට බැක්‌ටීරියා ගමන් කිරීමෙන් විසර ගෙඩි පවා ඇති වේ.

නමුත් වෛද්‍ය විද්‍යාව තුළ සොයාගෙන ඇත්තේ සමෙහි තෙතමනය රැකගැනීමේ ආලේපන වර්ග දෙකක්‌ ඇති බවයි. ඉන් එකක්‌ තෙල් ස්‌ථරයක්‌ ලෙස ක්‍රියාකරන, අපි සාමාන්‍ය පාවිච්චියේදී ගන්නා තෙල්වලට වඩා වෙනස්‌ එතරම් තෙල් ගතියක්‌ නොරැඳෙන ඔක්‌ලුසිව් මොයිස්‌චරයිසර් ලෙස හඳුන්වයි.

ඔක්‌ලුසිව් මොයිස්‌චරයිසර් මඟින් කරනු ලබන්නේ ස්‌වභාවික තෙල් ස්‌ථරය මඟින් සම මතුපිට පෘෂ්ඨය වසා සිටිනවා මෙන් අප මෙසේ ලබාදෙන ඔක්‌ලුසිව් මොයිස්‌චරයිසර් තෙල් ස්‌ථරය මඟිනුත් සම මතුපිට පෘෂ්ඨය වසා තබා ගැනීමයි. එවිට අපිචර්මය හරහා ජලය වාෂ්පවීමක්‌ සිදු නොවේ. එමගින් අපිචර්මය තු=ළ තෙතමනය රැඳේ.

දෙවැන්න, හයික්‍රොස්‌කොපි මොයිස්‌චර් ලෙස හඳුන්වයි. මෙය මඟින් කරනු ලබන්නේ වාතයේ ඇති ජලවාෂ්ප උරාගෙන සම මතුපිට තැන්පත් කිරීමයි. එමඟින් සමෙහි තෙතමනය රඳවාගැනීම ඇතිකරනවා වාගේම ඔක්‌ලුසිව් ක්‍රියාකාරීත්වය ද ලබාදෙයි.


චර්ම රෝග විශේෂඥ වෛද්‍ය
අසෝක කමලදාස

ගැබ්ගෙලෙහි ඇති වැදගත්කම

කාන්තා ප්‍රජනක පද්ධතිය සම්බන්ධයෙන් ඉතා වැදගත් ව්‍යහයක්‌ ලෙස ගැබ්ගෙල හඳුන්වාදිය හැකියි. මෙය වෛද්‍ය විද්‍යාව තුළ සර්වික්‌ස්‌ ලෙස හඳුන්වයි. යෝනි මාර්ගයේ තිබෙන සම්බන්ධතාවය ගර්භාෂය කරා යොමුවන්නේ ගර්භාෂයේ පහළ කොටස වන ගැබ්ගෙල හරහා ය. මෙය සෙන්ටිමීටර් 2-5 අතර දිගකින් යුක්‌ත වේ.

ගැබ්ගෙලෙහි ඇති මාංශ පේශී ගර්භාෂයේ පිහිටි මාංශ පේශීවලට වඩා වෙනස්‌ වන අතර එහි ඇති ඉලාස්‌ටින් පටක ඉතා ඝනකමින් යුක්‌ත වේ.

ගැබ්ගෙල මගින් සංසර්ගයේදී යෝනි මාර්ගයේ තැන්පත් වන ශුක්‍රාණු ගර්භාෂය කරා යොමු කිරීමට මෙන්ම නිරෝගී සෞඛ්‍ය තත්ත්වයක්‌ ඇති ශුක්‍රාණු ගර්භාෂය වෙත යොමු කිරීමට ද වැදගත් වේ.

ශුක්‍රාණු යොමුවීමෙන් පසු සංසේචනයෙන් ඇතිවන ප්‍රතිඵලය නිරෝගීවන්නට සුදුසු වාතාවරණය තීරණය කරන්නෙත් ගැබ්ගෙලෙහි පවතින මියුකස්‌ ලෙස හඳුන්වන ස්‍රාවය මගිනි.

එමෙන්ම ඔසප්වීම සිදුවී ගර්භාෂය තුළ වන රුධිර වහනය පිටතට එනු ලබන්නේ ද ගැබ්ගෙල හරහා ය. කලාතුරකින් ගර්භාෂයේ තිබෙනා ඇතැම් රෝග තත්ත්වයන් ද ගැබ්ගෙලෙහි ද ඇති වේ.

උදාහරණයක්‌ ලෙස ගර්භාෂයේ හටගන්නා ෆයිෙඩ්‍රායිඩ් වැනි ගෙඩි වර්ග ගැබ්ගෙලෙහි ද ඇතිවිය හැකියි. මෙවන් රෝග ගැබ්ගෙලෙහි හටගත් විට සාමාන්‍ය ප්‍රසූතියක්‌ මගින් දරුවන් බිහිවීමේදී අපහසුතා ඇතිවෙන්නට ඉඩ ඇත.

එමෙන්ම ගර්භාෂයේ ඇතිවන ඔසප්, යෝනි මාර්ගයට ඒමේදී බාධා ඇතිවිය හැකියි.

ගැබ්ගෙලෙහි ඇතිවන දරුණු සෞඛ්‍ය ගැටළුව වන්නේ ගැබ්ගෙල පිළිකාය. වාසනාවකට මෙන් ගැබ්ගෙලෙහි ඇතිවන පිළිකා පූර්ව පිළිකා තත්ත්වය යටතේ හඳුනා ගත හැකියි. මේ සඳහා වෛද්‍යවරුන් විසින් පැප් පරීක්‍ෂණය භාවිත කරයි.

ඊට අමතරව HPV වෛරස පරික්‍ෂා මඟින් පවා ගැබ්ගෙල පිළිකා ඉතා මූලික අවස්‌ථාවේ දී සොයාගත හැකියි.

මේ වනවිට ලංකාවේ කාන්තාවන්ට ගැබ්ගෙල පිළිකා වලක්‌වා ගැනීම සඳහා HPV වෛරසය සඳහා ලබාදෙන එන්නත ඉවහල් වී ඇත. මෙම එන්නත ලබාගැනීමෙන් ගැබ්ගෙල පිළිකාවලින් වැඩි ප්‍රතිශතයක්‌ වලක්‌වා ගත හැකියි. විශේෂයෙන් විවාහ නොවූ කාන්තාවන්ට සහ දියණියන්ට මේ හැකියාව ලැබී ඇත.

ගැබ්ගෙල මත සිදුකරනා විවිධ ශල්‍යකර්ම ගැබ්ගෙල පිළිකාවලදී ඇතිවන පූර්ව පිළිකා තත්ත්ව සහ ගැබ්ගෙලෙහි ඇතිවන ෆයිඩ්‍රායිඩ් වැනි ගෙඩි, මස්‌ වැදලි වැනි තත්ත්ව කාන්තාව ශල්‍ය කර්මවලට භාජනය කිරීමේදී ඉතා විමසිලිමත් විය යුතු තත්ත්වයන් වේ. මෙසේ කළ යුත්තේ කාන්තාවන්ගේ සඵලතාවය ආරක්‍ෂා කරගත යුතු නිසාය.

ගර්භනී තත්ත්වයට පත් වූ කාන්තාවන්ට ගැබ්ගෙලෙහි දිග වැදගත් වන්නේ ගබ්සාවලින් වැලකීම සඳහාය. විශේෂයෙන්ම ගැබ් ගෙලෙහි දිග ඉතා වැදගත් වන්නේ "ප්‍රී මැචුවර් බර්ත්" හෙවත් මාස 9 කට අඩු දරු උපත් සිදුවීම වලක්‌වා ගැනීම සඳහා ය.

ගැබ්ගෙලෙහි ඇතිවන ලිහිල් බව සහ ගැබ්ගෙලෙහි ඇති වෙනත් අඩුපාඩුකම්වලින් මිදීම සඳහා වෛද්‍යවෙරුන් විසින් ගැබ්ගෙලට මැහුමක්‌ යොදන අතර එය "සර්වයිකල් සූචර්" නැතහොත් "ශිරෝත්කා සූචර්" ලෙස හඳුන්වයි. මෙසේ කිරීමෙන් ගැබ්ගෙලෙහි ඇතිවන ලිහිල් තත්ත්වය මඟහරවා ගත හැකියි.

අද වනවිට ගැබ්ගෙලෙහි ඇතිවන පූර්ව පිළිකා තත්ත්වයන් සොයා ගැනීම සඳහා "කොල්පොස්‌කොපි" නමැති පරීක්‍ෂණය භාවිත කරන අතර ඒ මඟින් ගැබ්ගෙලහි පූර්ව පිළිකා තත්ත්වය තිබෙනා ස්‌ථානය හරිහැටි හඳුනා ගත හැකිය. මේ තුළින් විශාල ශල්‍යකර්මයක්‌ නොකොට සුළු ශල්‍යකර්මයක්‌ මඟින් මෙවැනි පිළිකා තත්ත්වයන් ඉවත් කර ගත හැකියි.


ප්‍රසව හා නාරි රෝග විශේෂඥ වෛද්‍ය
නලින්ද රොද්‍රිගු

සම අතුල්ලන්නේ බලාගෙන !

මුහුණේ සම සහ සිරුරේසම ස්‌ක්‍රබ් කිරීම සුදුසුද?

ස්‌ක්‍රබ් යන වචනයේ තේරුම වන්නේ යම්කිසි රළු දෙයක්‌

භාවිත කරමින් තදින් ඇතිල්ලීමයි. අපේ සමේ ව්‍යqහය පිළිබඳ සලකා බැලීමේදී අපිචර්මයේ ඉහළම කොටස අපි විද්‍යාත්මක ලෙස කොරොස්‌ථරය ලෙස හඳුන්වයි. මෙය ඉතාම මෘදු සැඟවූ වලවල්, හිල් නොමැති සුමට ස්‌ථරයකි. ස්‌ක්‍රබ් කිරීම මඟින් බලාපොරොත්තු වන්නේ යම්කිසි තැනක කුණුවැනි ද්‍රව්‍ය බැඳී පවතී නම් ඒවා ඉවත් කිරීමකි. උදාහරණයක්‌ වශයෙන් ලිපේ තියන ලද බඳුනක යම් කිසි වෑංජනයක්‌ පතුලේ බැඳී තිබෙනවා නම් එය ඉවත් කිරීමට ඝන ද්‍රව්‍යයකින් අතුල්ලයි. ස්‌ක්‍රබ් කිරීම මඟින් බලාපොරොත්තු වන්නේ එවැන්නකි. නමුත් අපේ සමේ එවැනි දෙයක්‌ සිදුවිය නොහැකියි. සමෙහි කුණු, දහදිය, වෙනත් අපද්‍රව්‍ය සමට තදින් ඇලී තිබීමක්‌ හෝ බැඳී තිබීමක්‌ සිදුනොවේ. එය වෛද්‍ය විද්‍යාත්මකව ද තහවුරු කර තිබේ. එම නිසා ස්‌ක්‍රබ් එකක්‌ හෙවත් ඝන ද්‍රව්‍ය යොදා ඇතිල්ලීමක්‌ අපේ සමට කිසිවිටෙකත් අවශ්‍ය නොවේ. එය ඉතාම වැරදි ක්‍රියාවකි.


බොහෝදෙනා ස්‌ක්‍රබ්කිරීම මඟින් බලාපොරොත්තු වන්නේ මැරුණු සම ඉවත් කර ගැනීමයි. මෙහි සත්‍යතාවක්‌ තිබෙනවාද?

මැරුණු සම ස්‌වභාවිකවම ඉවත් වේ. එය අමුතුවෙන් ඉවත් කිරීමක්‌ අවශ්‍ය නොවේ. මැරුණු සම ඉවත් කිරීම සඳහා ස්‌ක්‍රබ් කිරීම මඟින් ඊටත් වඩා හානියක්‌ සමට වන බව බොහෝ තරුණියන් නොදනියි. මෙය මානසික ඇබ්බැහිවීමක්‌ ලෙස හඳුන්වාදිය හැකියි. ස්‌ක්‍රබ් කිරීම මඟින් අපේ සම අසාමාන්‍ය ලෙස උද්දීපනය වීමක්‌ සිදුවේ. සම උද්දීපනයවීමේ ප්‍රතිඵලයක්‌ වශයෙන් ඇමලොයිඩ් නමැති රසායන ද්‍රව්‍ය සම මතුපිට තැන්පත්වීමට පටන්ගනී. ඇමලොයිඩ් නමැති රසායන ද්‍රව්‍ය කළුපාට ස්‌ථරයක්‌ වශයෙන් සම මතුපිට තැන්පත් වේ. මෙය සියලුදෙනාටම සිදුනොවුනත් ඇතැමෙකුට සිදුවන තත්ත්වයකි. ඒ සඳහා ජානමය බලපෑමක්‌ ද තිබේ. පරම්පරාවෙන් පරම්පරාවට ඇමලොයිඩ් නිපදවීමේ හැකියාව ගමන් කරයි. මෙවැනි කෙනෙකු සම ස්‌ක්‍රබ් කිරීමේදී ඇමලොයිඩ් ස්‌ථරයක්‌ සම මතුපිට තැන්පත් වේ. ඇතැමෙකුට මෙය බිබිලි ආකාරයට ඇති වේ. එය අපි ලයිකන් ඇමලොයිඩෝසිස්‌ ලෙස හඳුන්වයි. තුනියට සම මතුපිට ඒකාකාර ස්‌ථරයක්‌ ලෙස ඇතිවන ඇමලොයිඩ් අපි මැකියුලර් ඇමලොයිඩෝසිස්‌ ලෙස හඳුන්වමු. කුමන ක්‍රමයකට හෝ ඇමලොයිඩ් නමැති රසායනිකය සම මතුපිට තැන්පත්වීමේදී ඒවා ඉවත් කිරීම අතිශයින්ම දුෂ්කර කාර්යයකි. ප්‍රතිකාර කළ ද ඉතා සාර්ථක ප්‍රතිචාර නොදක්‌වයි. ප්‍රතිකාර මඟින් පැහැය අවම කරගැනීම පමණක්‌ කළ හැකියි.


ස්‌ක්‍රබ් කිරීම මඟින් සමට ඇතිවන තවත් අහිතකර ප්‍රතිඵල තිබේද?

ස්‌ක්‍රබ් කිරීම මඟින් සම මතුපිට ඇති සමට හිතකර සහ අවශ්‍ය වන බැක්‌ටීරියා වර්ග ඉවත් වීමක්‌ සිදුවේ. සමට හිතකර බැක්‌ටීරියා මඟින්, ශරීරයට බාහිරින් ඇතුළුවන අහිතකර බැක්‌ටීරියාවන් සහ දිලීර වර්ග ඇතුළුවීම වලක්‌වයි. දිගින් දිගට සම ස්‌ක්‍රබ් කරන්නට යාමෙන් සමෙහි පවතින ස්‌වභාවික ආරක්‍ෂක යාන්ත්‍රණය දුර්වල වේ. එයින් අපට හානියක්‌ සිදුවේ. සම රළු ද්‍රව්‍ය යොදා ඇතිල්ලීමෙන් හැමවිටම අවාසියක්‌ මිස වාසියක්‌ සිදුනොවන බව රූපලාවණ්‍ය ක්‍රම පිටුපස දුවනා යුවතියන් සහ වැඩිහිටි කාන්තාවන් දැන සිටීම ඉතා වැදගත් වේ.


චර්ම රෝග විශේෂඥ වෛද්‍ය
අසෝක කමලදාස

මොකක්‌ද මේ ආඝාතය

සෑම හයදෙනෙකුගෙන්ම එක්‌ අයෙකුට අවදානම ගෙනෙන ආඝාතය ඔබගෙන් සමහරෙක්‌ තව ම හිතනවා ඇති. ආඝාතය කියන්නේ රෝගී තත්ත්වයක්‌. සෑම හය දෙනෙකුගෙන්ම එක්‌ අයෙකු ඔවුන්ගේ ජීවිත කාලය තුළ මෙම රෝග තත්ත්වයට ගොදුරු විය හැකි බව සොයාගෙන තිබේ.

ආඝාතය යනු රෝග ලක්‌ෂණ රාශියකින් සමන්විත වූ බෝ නොවන රෝග ගණයට අයත් වන රෝගයක්‌. සාමාන්‍ය ව්‍යවහාරය තුළ අපි අංශභාගය ලෙස හඳුන්වන්නෙත් මෙයයි. මෙහි රෝග ලක්‌ෂණ ලෙස ශරීරයේ සිදුවන අසාමාන්‍යතාවන්, සුළු හිරිවැටීමක්‌ වැනි දේ පෙන්වා දෙන්න පුළුවන්. ආඝාතය නිසා මරණය පවා සිදුවිය හැකියි.

ලෝක සෞඛ්‍ය සංවිධානය විසින් ඔක්‌තෝබර් 29 වෙනිදා ලෝක ආඝාත දිනය (උදරකා sඑරදනැ daහ) ලෙස නම් කර තිබේ. ලෝක ආඝාත සංවිධානය මඟින් බලාපොරොත්තු වන්නේ රෝග තත්ත්වය හරි හැටි හඳුනාගැනීම, ප්‍රතිකාර මඟින් රෝග නිවාරණය සහ එවැනි රෝගීන් පුනරුත්තාපනය කිරීම සහ දීර්ඝකාලිනව උදව්කිරිමයි.

අපගේ මොළයට රුධිරය සපයන රුධිර වාහිනී ජාලගතව පවතින අතර විවිධ හේතු නිසා මෙම රුධිර නාල තුළ ශරීරයට අහිතකර මේද වර්ග ලෙස හඳුන්වන කොලෙස්‌ටරෝල් තැන්පත්වීමෙන් එම නාල අවහිරවීම හෝ රුධිරය ගමන් ගන්නා සිදුර කුඩාවීමක්‌ වේ.

මෙහිදී රුධිර වාහිනී අවහිරවීම නිසා මොළයේ සමහර කොටස්‌වලට රුධිර සැපයීම අඩුවීම හෝ නතරවීම විය හැකියි. මෙවැනි කෙනෙකුට ආඝාතය ඇතිවිය හැකියි. මෙම ආකාරයට සියයට අසූපහක්‌ පමණ ආඝාතයට ගොදුරු වේ.

රුධිර වාහිනි අවහිර වූ ස්‌ථාන දුර්වල වී පුපුරා යාමෙන් මොළයේ ඇතිවන රුධිරවහනය නිසාද ආඝාත තත්ත්වය ඇතිවේ. මෙවැනි තත්ත්වයට ගොදුරු වන්නේ රෝගින්ගෙන් සියයට පහළොවක ප්‍රමාණයකි.

මේ සියලු අවස්‌ථාවලින් සිදුවන්නේ මොළයේ යම් කොටසක ක්‍රියාකාරිත්වයට බාධා පැමිණිම හෝ අඩපණ වීමයි. අපගේ ශරීරයේ සියලු කොටස්‌ පාලනය කිරීම සඳහා විවිධ වූ විශේෂිත අංශ අපගේ මොළය තුළ වේ. මොළයේ එක්‌ එක්‌ කොටසේ සිදුවන රුධිර නොලැබීම නිසාවෙන් එම කොටස මඟින් පාලනය කරන ශරීර අංගයේ අවයව, ඉන්ද්‍රියන් දුර්වලවීම එසේත් නොමැති නම් පණ නැතිවීම වේ.

මෙම රෝගයේ අවස්‌ථා 02 ක්‌ හඳුනා ගත හැකියි.



සුළු ආඝාත තත්ත්වය

රෝග ලක්‌ෂණ පැය 24 ක්‌ ඇතුළත යථා තත්ත්වයට පත්වුවහොත් එය සුළු ආඝාත තත්ත්වයක්‌ හෝ තාවකාලිකව සිදු වූ රුධිර නොලැබී යාමක්‌ ලෙස හඳුනාගත හැකිය. මෙම රෝගී තත්ත්වයේදී ඉතා ඉක්‌මණින් වෛද්‍ය ප්‍රතිකාර ලැබීම මඟින් පූර්ණ ලෙස අංශභාග තත්ත්වය ඇති වීමෙන් මිදිය හැකියි.



සුළු ආඝාතයේ රෝග ලක්‌ෂණ

* අතක පයක හෝ මුහුණේ ඇතිවන හිරිවැටීම

* එකවර ඇතිවී නැතිව යන ක්‌ලාන්ත ගතිය

* කථා කිරිමේ හෝ තේරුම් ගැනීමේ අපහසුතා

* ඇසක සිදුවන පෙනීමේ අඩුවීම හෝ නොපෙනී යාම

* හඳුනාගත නොහැකි හේතුවක්‌ නිසා ඇතිවන තද හිසරදය

* ශරීරයේ සමබරතාව බිඳීයාම

* ඇවිදීමේදී අපහසුතා ඇතිවීම

(මෙම රෝග ලක්‌ෂණ හදිසියේ පහළ වී පැය 24 ක්‌ ඇතුළත ක්‍රමයෙන් නැතිවී යා හැකිය.)



පූර්ණ ආඝාතයේ රෝග ලක්‌ෂණ

* ශරීරයේ අංශයක හෝ කොටසක පණ නැති වී යාම

* ඇස්‌ නොපෙනී යාම

* එක්‌ කනක හෝ කන් දෙකෙහිම ඇති වන ශ්‍රවණ ආබාධ

* සමෙහි ඇතිවන ආසාමාන්‍ය සංවේදනා හෝ හිරිවැටීම

* ඇවිදීමේදී ඇතිවන අපහසුතා

* මුහුණේ හෝ කට පැත්තකට ඇද වී යාම

* හඩ පිටවීම දුර්වල වීම

* හෘදයාබාධ ඇතුළු අනෙකුත් ඉන්ද්‍රියන්ගේ ක්‍රියාවිරහිතවීම

* ශ්වසන අපහසුතා

* සදාකාලික ආබාධිත තත්ත්වය හෝ මරණය (කලින් සුළු ආඝාත ලක්‌ෂණ 1 ක්‌ හෝ කිහිපයක්‌ දීර්ඝ කාලීනව පැවතීම පසුකලෙක පූර්ණ කාලීන ආඝාත රෝගයට හේතු විය හැකියි.





ආඝාතය රෝගය සඳහා

බලපෑ හැකි සාධක

* අධික රුධිර පීඩනය සහ රුධිරයේ කොලෙස්‌ටරෝල් ප්‍රමාණය ඉහළයාම

* දුම්පානය

* ගනු ලබන අහිතකර ආහාර වර්ග (ක්‌ෂණික කෑම, විවිධ රසකාරක)

* ශාරිරික ව්‍යායාම සහ ක්‍රියාකාරකම්වලින් ඉවත්වීම

* දියවැඩියාව

* ස්‌ථුලතාවය

* මානසික ආතතිය

* වයස්‌ගතවීම සහ ජානගත සාධකයන්

කෙනෙකු වයස්‌ගතවීම සහ පවුලේ කෙනෙකුට කලින් මෙම රෝගය වැළඳී තිබේ නම් ඉහත අපි සඳහන් කළ රෝගවලින් ඉවත්වීම සහ වැරදි පුරුදුවලින් ඉවත්වීම ආඝාතය සෑදීමේ අවධානමෙන් ඔවුන් ඉවත් කරයි. වයස අවුරුදු 60 ඉක්‌ම වූ ජනතාවගේ දෙවැනියට වැඩි මරණ සංඛ්‍යාවක්‌ සිදුවන්නේ ආඝාත රෝගයෙන් බව පෙන්වා දේ. වසරකට ලෝක ජනගහනයෙන් මිලියන හයකට ආසන්න ප්‍රමාණයක්‌ ආඝාතයෙන් මියයයි.



ආඝාත රෝගය

වලක්‌වා ගැනීම සඳහා

* ඔබගේ රුධිර පීඩනය මැන බලා නියමිත පරාසය තුළ පවත්වා ගැනීම

* දුම් සහ මත්ද්‍රව්‍යවලින් ඉවත්වීම

* ගනු ලබන අහිතකර ආහාර, ක්‌ෂණික ආහාර, සීනි, ලුණු සහ තෙල්වලින් හැකි තරම් ඉවත්වීම, නැවුම් එළවළු, පලතුරු ආහාර වේලට එකතු කර ගැනීම

* ශාරිරික ව්‍යායාමවල යෙදීම

* උසට සරිලන බර පවත්වා ගැනීම

* මනස සැහැල්ලුව තබා ගැනීම

පෙර ආඝාත තත්ත්ව හෝ සුළු ආඝාත ලක්‌ෂණ දැනී තිබෙනවා නම් ඉක්‌මනින් රෝහල කරායාම

මෙම රෝගයට ප්‍රතිකාර කිරීමේදී රෝග ලක්‌ෂණ පහළ වී රෝහල වෙත පැමිණෙන රෝගියා මොළයේ සී.ටී (Cගඔ) ස්‌කෑන් පරික්‌ෂණයකට භාජනය කරන අතර මෙහිදී රුධිර නාල අවහිරවීමක්‌ ද නැත්නම් නාල පුපුරායාමක්‌ ද යන්න සොයා බලා ප්‍රතිකාර ආරම්භ කෙරේ. මෙම ප්‍රතිකාර කිරිම කරන අතරේ ඔවුන් පුනරුත්ථාපනය කිරිමේ ප්‍රතිකාරයන් ද ආරම්භ කර තිබේ.

ලෝක ආඝාත දිනය වෙනුවෙන් සෞඛ්‍ය අධ්‍යාපන කාර්යාංශයේ පැවති සම්මන්ත්‍රණ මාලාව ඇසුරෙනි.

ගැබිනි මවට ප්‍රෙෂර් නම්..

අධික රුධිර පීඩනය යනු සාමාන්‍ය පුද්ගලයෙකු තුළ සෞඛ්‍ය ගැටළු ගණනාවක්‌ ඇති කළ හැකි තත්ත්වයකි. මෙම තත්ත්වය ගර්භණී කාන්තාවන් තුළ ඇති වූ විට මෙවැනිම සෞඛ්‍ය ගැටළු වඩා තදින් පෙන්නුම් කරයි.


නීරෝගි ගර්භණී කාන්තාවකගේ ගර්භණී සමයේ මැද භාගයේදී ඇයගේ රුධිර පීඩනය ඉහළ යාම බොහෝ විට ගර්භණී සමයට පමණක්‌ සීමා වේ. මෙම තත්ත්වය බොහෝ විට පළමු පිළිසිඳ ගැනීමේදී බහුලව දක්‌නට ලැබේ. මෙම රුධිර පීඩනය වැඩිවීම ගර්භයේ මුල් අවධියේදීම සිදු නොවේ. නමුත් මුල සිටම පූර්ව ප්‍රසව සායනයකට සහභාගි වන මවකගේ මෙම තත්ත්වය මාස 5 ක්‌ පමණ වන විට හඳුනාගත හැකිවේ. මෙයට හේතුව වන්නේ රුධිර පීඩනය වැඩිවීමට පටන් ගැනෙන්නේ මෙම අවධියේදී වීමයි. ඉදිමුම මෙම තත්ත්වයේදී ඇති වන තවත් ලක්‌ෂණයක්‌ වන නමුත් සාමාන්‍ය ගර්භණී තත්ත්වයේදීද ඉදිමුම දැකිය හැකි බැවින් ඉදිමුම ඇති වූ පමණින් අධික රුධිර පීඩනය ඇති බව සැක කළ නොහැක. නමුත් පූර්ව ප්‍රසව සායනයේදී සිදු කරනු ලබන පරීක්‌ෂණ සහ රුධිර පීඩනය මැනීම මෙම තත්ත්වය හඳුනා ගැනීමට ඉතාම වැදගත් වේ.


ගැබ් ගැනීමට පෙර සිටම අධික රුධිර පීඩනයෙන් පෙළෙන කාන්තාවන්ගේ ද වෙනත් සංකූල තත්ත්වයන් තිබිය හැක. මේ අතරින් බහුතරයකගේ අධික රුධිර පීඩනයට පසුබිම් වූ හේතුවක්‌ නොමැති විය හැක. නමුත් වෙනත් පසුබිම් රෝග ආශ්‍රිතව අධික රුධිර පීඩනය ඇති වන අවස්‌ථා ඇත. එනම් වකුගඩු රෝග, රුධිර නාල ආශ්‍රිත ගැටළු, හෝමෝන ආශ්‍රිත රෝග වැනි තත්ත්වයන්ය. මෙවැනි කාන්තාවන් ගැබ් ගැනීමට පෙර එම රෝග සහ ඒ ආශ්‍රිත අධික රුධිර පීඩන තත්ත්වයන් නිසි ලෙස පාලනය කරගත යුතුය. කෙසේ වෙතත් අධික රුධිර පීඩනය ගර්භණී සමයේදී මවගේ සෞඛ්‍යයට කිහිප ආකාරයකින් අහිතකර තත්ත්වයන් ඇති කරයි.


මවගේ රුධිර පීඩනය වැඩිවීම ස්‌නායු පද්ධතියට ඇති කරන බලපෑම් මගින් ඇයගේ මොළයේ ලේ ගැලීම්, ස්‌නායු ආබාධ, වලිප්පුව වැනි තත්ත්වයන්, සිහිමුර්ජාවීම් පවා ඇති විය හැක. අක්‌ෂි ආබාධ ඇති වීමෙන් අන්ධභාවය ඇති වන අවස්‌ථා ද ඇත. වෙනත් හෘද රෝග, අක්‌මාව ආශ්‍රිත අසාධ්‍ය තත්ත්වයන් සහ වකුගඩුවලට සිදුවන හානීන් ද ඇත.


ගර්භණී සමයේදී ඇති වන අධි රුධිර පීඩන තත්ත්වය හානිකර වන්නේ මවගේ සෞඛ්‍යයට පමණක්‌ නොවේ. ළදරු කළලයට සිදු වන හානිය තවත් බරපතල විය හැක. කළලයේ වැඩීම බාල වීමෙන් අඩු උපත් බරකින් යුත් දරුවන් බිහි වීමට අමතරව නොමේරූ ළදරුවන් ඉපදීමෙන් බොහෝ කරදරකාරී තත්ත්වයන් ඇති විය හැක. මෙම තත්ත්වය තදින්ම ඇති විට කළලයේ වැඩීම අතරමඟ නතර වන අවස්‌ථා ඇත. ඉහත හේතූන් මත පූර්ව ප්‍රසව සායනයන්හිදී කෙරෙන පරීක්‌ෂණ සහ සොයා බැලීම් ඉතා වැදගත් වේ. නිසි කලට ඒවාට සහභාගිවීම මවගේ යුතුකම වේ. සායනයේදී රුධිර පීඩනය වැඩි බව තහවුරු වූ විට රෝහල් ගත කර එය පාලනය කිරීම සිදු වේ. මේ සඳහා බොහෝවිට භාවිත වන්නේ පෙති වශයෙන් ලබාදෙන ඖෂධයන්ය. ඉතා දරුණු ත්ත්ත්වයකදී එන්නත් ලබාදීම සිදු වේ. රුධිර පීඩනය පාලනය වූ පසු රෝහලින් පිට කර සායනයට යොමු කෙරේ. කාර්ය බහුල මවක්‌ නම් රෝහලේ දී ලැබෙන විවේකය වැදගත්ය. මෙම තත්ත්වය ඇති විට මානසික හා කායික විවේකය ඉතා වැදගත්ය. එබැවින් මවකට මෙම තත්ත්වයට ගැළපෙන අයුරින් තම දින චර්යාව වෙනස්‌ කරගැනීම වැදගත්ය. වඩාත්ම වැදගත් වන්නේ තම වෛද්‍යවරයාට ලබා දෙන සහයෝගයයි. දරු ප්‍රසූතියෙන් පසු රුධිර පීඩනය සාමාන්‍ය තත්ත්වයට පත්විය හැක. එසේ වේ නම් වෛද්‍ය උපදෙස්‌ මත ඖෂධ නතර කළ හැක. මේ සඳහා දරු ප්‍රසූතියෙන් සති 6 කට පසු සායනයට පැමිණ වෛද්‍යවරයා මුණගැසීම වැදගත්ය.


ඉදිරි පවුල් සැලසුම් සම්බන්ධව වෛද්‍ය උපදෙස්‌ ද ලබාගත යුතුය.


වෛද්‍ය
චම්පා නෙල්සන්

කුරුලෑවලට නිවසේදී අත් බෙහෙත්

සම වර්ගීකරණය කිරීමේ දී තෙල් සහිත සම ගැන බොහෝ අදහස්‌ දැක්‌විය හැක. තෙල් සහිත සමක බොහෝමයක්‌ දැකිය හැක්‌කේ කුරුලෑ කිවහොත් නිවැරදි යි. එහෙත් ඇතැම් තෙල් සහිත සමක කුරුලෑ නොමැත. කුරුලෑ ඇති සමක ඇති තවත් ලක්‌ෂණයක්‌ නම් හිස්‌ හොරි ද ඇතිවීම ය. හිස්‌හොරි බොහෝ ඇති හිසක තෙල් සහිත මුහුණක්‌ දක්‌නට ලැබීමද, එම සමෙහි කුරුලෑ ඇති වීමද බොහෝ දක්‌නට ලැබේ. අප කුරුලෑවලට ප්‍රතිකාර කරන්නේ නම් හිසකෙස්‌ සේදීමේදී ද වඩාත් සැලකිලිමත් විය යුතුයි. මන්ද අප හිසට කෙලින් ම වතුර දමා සෝදන්නේ නම් ඒවා මුහුණට වැටීමෙන් කුරුලෑ වැඩි වීමද පිට හා පපු පෙදෙසට වැටීමෙන් එම ප්‍රදේශවල කුරුලෑ ඇතිවීමද බොහාවිට දක්‌නට ලැබේ.

ඒ අනුව හිස ශැම්පො දමා සේදීමේදී කෙස්‌ පහලට දමා (හිස බිමට නමා) සේදීමෙන් කුරුලෑ අවම කරගත හැක. මේ සඳහා අපට පහත සඳහන් කෙටි ප්‍රතිකාර කර ගත හැක. තෙල් සහිත සමක කුරුලෑ ඇතිවන හෙයින් මුහුණ සේදීමේදී මද රස්‌නය වතුරින් සේදීම කළ යුතු වේ. අනතුරුව මුහුණ තෙත මාත්තු කළ යුතුවේ. මුහුණෙ කුරුලෑ ඇති විට ස්‌ක්‍රබ් කිරීම නොකළ යුතුවේ. මන්ද ඒ මඟින් කුරුලෑ කැඩී තවත් පැතිරෙන හෙයිනි.

මෙවැනි සමක්‌ පිරිසිදු කිරීම සඳහා සුදු හඳුන් කුඩු තේ හැඳි 2 ක්‌, කස්‌තුරි කුඩු තේ හැඳි 1/4 ක්‌ පමණ, මී පැණි ස්‌වල්පයක්‌ හා දෙහි බිංදු කීපයක්‌ රෝස වතුරින් මිශ්‍ර කර මුහුණ ආලේප කර විනාඩි 20 කට පමණ, පසුව සෝදා ගැනීම දින 2 කට වරක්‌ කිරීමෙන් කුරුලෑ ඒම අවම කරගත හැකි අතර, කුරුලෑ නිසා මුහුණේ ඇති කලු පැල්ලම් ද අඩු වී යනු ඇත.

මීට අමතරව සිහින්ව අඹරා ගත් කොහොඹ කොළවලට කස්‌තුරි කහ කුඩු තේ හැඳි 1/4 ක්‌ පමණ එකතු කර මුහුණේ ආලේප කර වි.20 කට පමණ පසුව සෝදා ඉවත් කිරීමෙන්ද දින 2 කට වරක්‌ සති 2 ක්‌ පමණ කිරිමෙන් කුරුලෑ අවම කර ගත හැකියි.

තවද කඩල හෝ මුං ඇට පිටි මේස හැඳි 2 කට, මී පැණි හා රෝස වතුර දමා මිශ්‍ර කර මුහුණේa ආලේප කර විනාඩි 20 කට පසුව සෝදා ඉවත් කිරීමෙන් කුරුලෑ අවම කර ගත හැකියි. දිනපතා පිරිසිදු ජලය පානය කිරීමත්, තෙල් සහිත ආහාර නොගැනීමත්, අලුත් එළවලු මෙන්ම පලතුරු දිනපතා ආහාරයට එක්‌කර ගැනීමත් කුරුලෑ අවම කර ගැනීමට පිටුවහලක්‌ වේ.


-රූපලාවන්‍ය ශිල්පිනී ග්‍රේස්‌ සී. ගන්කන්ද

ටිකක්‌ තිත්තයි ඒත් හරිම ගුණයි මාළුවලින් පිළී ගඳ නැති සුප්

ගොටුකොළ පමණ උසස්‌ පලා වර්ගයක්‌ කොළ වර්ග අතර තවත් නැතැයි රාජකීය පණ්‌ඩිත විලියම් අල්විස්‌ සූරීහු "එළවළු ගුණ" නමැති එතුමාගේ ග්‍රන්ථයේ සඳහන් කරති.

වෙළෙඳ පොළෙහි ඉතාමත් ලස්‌සනට රවුම් ගොටු කොළ මිටි දක්‌නට තිබුණද, ගම්බද වැවෙන හීං කොටුකොළ තරම් ඒ ගොටුකොළ ගුණ නැති බවද එතුමා පවසයි. එහෙත් බොහෝ දෙනා සිතන්නේ හීං ගොටු කොළ වල ගුණයක්‌ නැති බවත් ගුණය ඇත්තේ අර ලස්‌සනට වැවුණු ගොටු කොළ බවත් කියාය.

හීං ගොටු කොළවල කොළ අඩුය. රිකිලි හා මුල් බහුලය. මුල් වැඩි නිසා මහ පොළොවෙන් ලැබෙන ධාතු ගුණ එහි වැඩිපුර තිබේ.

හීං ගොටුකොළවල යම් තරමකට තිත්ත රසයක්‌ තිබුණද පෝච්චිවල වවා ගත හැකි පඳුරු ගොටුකොළවල තිත්ත රසය නොමැත.

සංස්‌කෘත වෙද පොත්පත්වල ගොටු කොළවලට දී ඇත්තේ "සරස්‌වතී" සහ මහෞෂධ" යන නම් දෙකයි. එම නම්වලින් ම ගොටුකොළවල ඇති උසස්‌ ගුණය වැටහෙනු ඇත.

ගොටුකොළවලින් ගුණ ලබාගැනීමට නම් එක්‌කෝ අමුවෙන් කෑ යුතුය. නැත්නම් කැඳ සාදා පානය කළ යුතුය. එය වෑHංජනයක්‌ සේ පිළියෙළ කළොත් එහි ඇති ගුණය නැතිවේ.

ගොටුකොළ සියලුම රෝගවලට හොඳ බෙහෙතකි. ඒවා කොටා පෙරා ඉස්‌ම (යුෂ) බීවද හොඳය. නමුත් වැඩි පුර බීවොත් හිසරදය, ක්‌ලාන්තය, කරකැවිල්ල සෑදිය හැකි බවද විලියම් අල්විස්‌ සූරීහු පවසති.

ගොටුකොළ වේලා කුඩු කර තේ වතුර මෙන්ද උණු වතුරෙන් තම්බා පානය කළ හැකිය.

මස්‌ ආහාරයට නොගත්තද මාළු ආහාරයට ගන්නා අය සිටින බව අපි දනිමු.

සැබවින් ම, මාළු පෝෂණ ගුණයෙන් ඉතා අධික බත රසගන්වන කරියක්‌ ලෙසට පෙන්වා දිය හැකිය.

දුප්පත්, පොහොසත් වෙනසකින් තොරව මිලදී ගන්නා මාළුවල වැඩිම ප්‍රොaටීන සහ කැල්සියම් ප්‍රමාණයක්‌ ඇත්තේ කුඩා මාළුවලය.

මාළු අතුරින් කාරල්ලා සහ කටුවල්ලා රෝගීන් සඳහා සුප් පිළියෙල කිරීමට යොදා ගන්නා මාළු වර්ග වන අතර එවැනි මාළු භාවිත කිරීමට විශේෂ හේතුව එහි ඇති වැඩි පෝෂණ ප්‍රමාණය නිසාවෙන් ය.

කාරල්ලා, කටුවල්ලා වැනි මාළු වර්ගයක්‌ භාවිත කරමින් වැඩි පෝෂණයෙන් යුතු සුප් එකක්‌ පිළියෙල කර ගන්නේ කෙසේදැයි බලමු.

ඔබ තෝරාගත් මාළු වර්ගය හොඳින් සෝදා පිරිසිදුකර මැටි බඳුනකට දමා ගන්න. මාළු සුප් බීමට ඇතැම් අය අකමැත්තක්‌ දක්‌වන්නේ එහි ඇති පිළීගඳ නිසාවෙනි. විශේෂයෙන් ම කුඩා දරුවන්ට කොපමණ ගුණ වුවද පිළීගඳ දැනුනොත් එවැනි දෙයක්‌ පොවා ගැනීමට අපහසු වනු ඇත.

පිළීගඳ නොමැතිව මාළු සුප් සාදාගන්නේ කෙසේදැයි බලමු.

ඔබ සෝදා පිරිසිදුකරගත් මාළු හට්‌ටියට සේර ගසක්‌ තලා එක්‌කරන්න. තිබේනම් බේ ලීව්ස්‌ ටිකක්‌ දමා ගොරකා සහ ලුණු එක්‌කර හොඳින් තම්බා ගන්න. කිසිවිටෙකත් බඳුන වසන්න එපා. හුමාලයෙන් පිළීගඳ ඉවත්වන නිසාවෙන් බඳුන විවරකර තම්බා ගන්න.

තැම්බුණු මාළු ලිපෙන් ඉවතට ගෙන හොඳින් පොඩිකර (බ්ලෙන්ඩරයක්‌ තිබේ නම් එය භාවිත කරන්න) සිහින් දැල් සහිත පෙනේරයකින් පෙරාගන්න.

කැරට්‌ අලයක්‌ දෙකක්‌, අර්තාපල් ගෙඩියක්‌, බෝංචි කරල් දෙක තුනක්‌ ඉතාම සිහින්ව කපා ගන්න. ළුEනු ගෙඩි කිහිපයක්‌ද ඉතාම සිහින්ව කපා ගන්න. කපාගත් එළවළු සමඟ පෙරාගත් මාළු මිශ්‍රණය එක්‌කර, ගම්මිරිස්‌ ඇට කිහිපයක්‌ දමා ලිපතබා හොඳින් උතුරවා ගන්න. අවශ්‍ය පමණ ලුණු එකතු කර ගන්න.

ගම්මිරිස්‌ ඇට මාළු සුප් එකට එකතු කළ යුත්තේ සුප් එක උතුරන විටය. එයට හේතුව වැඩිපුර තැම්බීමේදී ගම්මිරිස්‌ ඇට පොඩි වී රසයට දැවිල්ලක්‌ එකතුවීම සහ සුප් එකේ වර්ණය වෙනස්‌වන නිසාවෙනි.

ගුණදායක මාළු පිළිබඳ තවත් විස්‌තර විමසා බලමු.

ලේ වඩන මාළු ලෙසින් කෙලවල්ලා බල මාළු හඳුන්වන අතර ඒවායේ උෂ්ණාධිකගතිය පවතින්නේ මාළුවල සමෙහි බව කියවෙයි. පැරණි අය එවැනි මාළුවල සම ඉවත්කර පිසීමට ගත් අතර ආහාරයේදී මාළු සමග පොල් එකතු කර ගත්හ. අද ද එම ක්‍රමය දන්නා අය අනුගමනය කරන අතර නොදන්නා ඔබත් උෂ්ණාධික යයි පවසන මාළු එලෙස පිළියෙල කර ගාගත් පොල් සමඟ ආහාරයට ගන්න.


ප්‍රවීණ සූපවේදිනී
නන්දනී අතුකෝරාළ

මොනවද මේ වායු ගෙඩි

තයිරොයිඩ් හෝමෝන ඌණතාව හඳුනාගැනීමට
තරමක්‌ අපහසු රෝගයකි

වෛද්‍ය ආනන්ද දිසානායක මහ රෝහල, රත්නපුර

මන්ද පරභවතාවය හෙවත් තයිරොයිඩ් හෝමෝන ඌනතාවය ශ්‍රී ලංකාවේ ජනගහනයෙන් දහසකට හතර දෙනෙකුට පමණ ඇතිවන රෝගී තත්ත්වයකි. මේ සඳහා ඖෂධ ලබාගැනීමට දිනපතා සායනයන්ට පැමිණෙන අතිවිශාල රෝගී සංඛ්‍යාවෙන් මේ බව තහවුරු වේ. රෝගයට ම විශේෂිත රෝග ලක්‍ෂණ විරල අතර ඒවා ඇතිවන්නේද ඉතා සෙමින් බැවින් රෝගය ඇති බව රෝගියාට හෝ පවුලේ අන් අයට දැන ගැනීම ඉතා අසීරුය. රෝග ලක්‍ෂණ ඉතාමත්ම සුළු තත්ත්වයේ සිට මාරාන්තික සිහිමුර්ජාව දක්‌වා විහිදී යයි.

පුද්ගලයකුගේ ගෙල ඉදිරිපස පිහිටා ඇති තයිරොයිඩ් ග්‍රන්ථියෙන් නිෂ්පාදනය වී ශ්‍රාවය වන තයිරොක්‌සින් හා ඊට අදාළ හෝමෝන මගින් ශරීරයේ සියලුම සෛල වල පරිවෘත්තීය ක්‍රියාදාමය පාලනය කරනු ලබයි. ශරීරය යන්ත්‍රයක්‌ සේ සැලකුවහොත් එහි වේගය පාලනය කරනු ලබන්නේ තයිරොයිඩ් හෝමෝන මගිනි. ශරීර වර්ධනය, මානසික වර්ධනය මනසේ ක්‍රියාකාරිත්වය සහ සියලුම අවයවයන්හි ක්‍රියාකාරිත්වයට තයිරොයිඩ් හෝමෝන සෘජුවම බලපානු ලබයි.

අයඩීන් අඩංගු හෝමෝනයක්‌ වන තයිරොයිඩ් හෝමෝන නිෂ්පාදනයට අයඩීන් අවශ්‍යවේ. එබැවිනුයි මන්ද පරාභවතාවයට අයඩීන් ඌනතාවය එක්‌ හේතුවක්‌ වන්නේ. තයිරොයිඩ් හෝමෝන නිෂ්පාදනය හා ශ්‍රාවය වීම ශරීරයට අවශ්‍ය පරිදි පාලනය කරනු ලබන්නේ තයිරොයිඩ් උත්තේජන හෝමෝනය (ඔSH) නමැති පිටියුටරි හෝමෝනය මගිනි. (ඔSH) ශ්‍රාවය මොළය මගින්ද පාලනය වේ. මේ මගින් මොළයට අවශ්‍ය පරිදි තයිරොයිඩ් ග්‍රන්ථියෙහි හෝමෝන පාලනය කරනු ලබයි.

අයඩීන් ඌනතාවය සහ කාලීන තයිරොයිඩ් ග්‍රන්ථි ප්‍රදාහය ලෝකයේ මන්ද පරාභවතාවය ඇතිවන ප්‍රධානතම හේතූන්ය. එසේම තයිරොයිඩ් ග්‍රන්ථියෙහි ඇතිවන එන්සයිම ඌනතා නිසාද ඉතා මන්දගාමීව රෝග ලක්‍ෂණ ඉස්‌මතුවේ. අයඩීන් අඩංගු ලුණු භාවිතය නිසා ශ්‍රී ලංකාවේ අයඩීන් ඌනතාවය නූතන කාලයේ එතරම් දැකිය නොහැක. එහෙත් එය දකුණු ඇමරිකානු හා අප්‍රිකානු රටවල බහුලව දැකිය හැකිය.

මන්ද පරාභවතාව ඇතිවන රෝගීන්ගේ බොහෝවිට ගලගණ්‌ඩය හෙවත් තයිරොයිඩ් ග්‍රන්ථිය විශාලවීම සිදුවේ. එහෙත් ගල ගණ්‌ඩය ඇති සියලුම අයට මන්ද පරාභවතාවය ඇතිවන්නේ නැත. තයිරොයිඩ් ග්‍රන්ථි ප්‍රදාහය වැඩි වශයෙන් ඇතිවන්නේ කාන්තාවන්ගේය. ශල්‍යකර්මයක්‌ මගින් තයිරොයිඩ් ග්‍රන්ථිය සම්පූර්ණයෙන්ම ඉවත් කිරීම සහ තයිරොයිඩ් ග්‍රන්ථයෙහි ඇතිවන පිළිකාවලට ලබාදෙන විකිරණ ප්‍රතිකාර නිසා ඇතිවන හෝමෝන ඌනතාවය ඇතිවූ විට වෛද්‍යවරුන් විසින් මෙම රෝගීන්ට ජීවිතාන්තය දක්‌වා තයිරොක්‌සින් පෙති වශයෙන් ලබාදෙන බැවින් මන්ද පරාභවතාවක්‌ මෙම රෝගීන්ට ඇති නොවීමට වගබලා ගනු ලැබේ. එහෙත් ඔවුන් ඖෂධ හරියාකාරව නොගන්නේ නම් රෝග ලක්‍ෂණ මතු විය හැක. මන්ද පරාභවතාව නිට්‌ටාවට සුවවන රෝගයක්‌ නොවන බැවින් තයිරොක්‌සින් ඖෂධය ජීවිතාන්තය දක්‌වාම ලබාදිය යුතුය.

ඖෂධ මාත්‍රාව නියමිත පරිදි ලැබේදැයි බලා ගැනීමට මෙම රෝගීන්ගේ රුධිරයේ හෝමෝන අගයන් විටින් විට පරීක්‍ෂා කළ යුතුය.

උපතින්ම තයිරොයිඩ් ඌනතාවය ඇතිව ඉපදීම (Cරුඑසබසිප) ඉතා බරපතල ගැටලු ඇතිකරවන තත්ත්වයකි. කළලයෙහි තයිරොයිඩ් ග්‍රන්ථිය හරියාකාරව වර්ධනය නොවීම හෝ තයිරොයිඩ් හෝමෝන නිෂ්පාදනයට අවශ්‍ය එන්සයිම ඇති නොවීම මව අයඩීන් ඌනතාවයෙන් පෙළීම වැනි හේතූන් නිසා මෙම තත්ත්වය ඇතිවේ. මෙසේ තයිරොයිඩ් හෝමෝන ඌනතාවය ඇතිව උපදින ළදරුවන්ගේ කායික හා මානසික වර්ධනය සම්පූර්ණයෙන් දුර්වල විය හැක. ඉතා ඉක්‌මණින් හෝමෝන ශරීරගත කිරීමෙන් ප්‍රතිකාර පටන් නොගත හොත් මන්ද බුද්ධික මෙන්ම ශරීර වර්ධනය අඩපණ වූ දරුවකු බවට පත්වේ. ලෝකයේ උපත් වලින් හාර දහසකට එක්‌ අයෙකු මෙම තත්ත්වයට ගොදුරුවේ. මෙවැනි දරුවන් ඉපදී ටික දිනකින් මුහුණු ඉදිමුණු සුලු ස්‌වභාවයක්‌ ඇතිවීම, උදරය විශාලවීම, දිව විශාලවීම, නාභිය විශාලවීම සහ රක්‌තහීනතාවය වැනි රෝග ලක්‍ෂණ පිළිබිඹු කරයි. ඉතා ඉක්‌මණින්ම රෝග නිශ්චය කළ යුතු බැවින් ඇමරිකාව වැනි රටවල සෑම අලුත උපන් දරුවකුම රුධිර පරීක්‍ෂණයකට භාජනය කරනු ලැබේ.

තයිරොයිඩ් හෝමෝන ඌනතාවයේදී රෝග ලක්‍ෂණ මතුවීමට හේතු දෙකක්‌ නිසා සිදුවේ. ප්‍රථමයෙන් අඩු හෝමෝන නිසා එය ශරීරයේ ක්‍රියාකාරිත්වයට කෙලින්ම බලපායි.

දෙවනුව ශරීරයේ පරිවෘත්තිය ක්‍රියාවලිය මන්දගාමීවීම නිසා නොයකුත් අනවශ්‍ය ද්‍රව්‍ය විශේෂයෙන් ග්ලයිකෝස්‌ ඇමයිනෝ ග්ලයිකනොයිඩ් ශරිරයේ නොයෙකුත් පටකවල තැන්පත්වීම සිදුවේ. මේ මගින් පටක වල ඉදිමුණු ස්‌වභාවයක්‌ ඇතිවේ. තයිරොයිඩ් හෝමෝන ඌනතාවයේදී හෘදයෙහි සංකෝචනයන් දුර්වල වන අතර හෘද බිත්ති ඝන වීම සහ කුහර විශාල වීම සිදුවේ. එසේම හෝමෝන ඌනතාවය වැඩිවත්ම හද ගැස්‌මේ වේගය අඩුවේ. මිනින්තුවකට හෘදයෙන් පිටකරන රුධිර ප්‍රමාණය අඩු වන අතර සමහර විට හෘදය වටා ඇති පටලයන් තුළ තරලය එකතුවීම සිදුවිය හැක.

ආහාර මාර්ග පද්ධතියේ සිදුවන වෙනස්‌වීම් නම් ආමාශයේ අම්ල ශ්‍රාවය අඩුවීම, වැඩිවේලාවක්‌ ආහාර ආමාශය තුළ රැඳී තිබීම සහ අන්ත්‍රවල ක්‍රමාකුංචන චලනයන් අඩුවීම ආදියයි. මේ නිසා බොහෝ රෝගීන්ගේ බඩවියලීම සිදුවේ. රුධිරයෙහි කොලෙස්‌ටරෝල් සහ ශරීරයට අහිතකර මේදයන් ඉහළ යැමද ශරීරයට හිතකර මේදයන් අඩුවීමද සිදුවේ. එසේම ඉන්සියුලින් හෝමෝනයේ ක්‍රියාකාරිත්වය අඩපණවීමෙන් රුධිරයේ ග්ලුකෝස්‌ මට්‌ටමයෙහි පාලනයෙහි දුර්වලතාවයන්ද ඇතිවේ.

ලිංගික වර්ධනය කෙරෙහි තයිරොයිඩ් හෝමෝන සෘජුවම බලපෑම් ඇති කරයි. ලිංගික පරිණතවීම ප්‍රමාදවීම හෝ සම්පුර්ණයෙන්ම නැතිවීම සහ කාන්තාවන්ගේ ඔසප්වීම අක්‍රමවත්වීම හෝ නතර වීම සිදුවේ. එසේම මඳසරු බව ඇතිවිය හැක. මදසරු කාන්තාවන්ගේ තයිරොයිඩ් හෝමෝන තත්ත්වය පරීක්‍ෂා කර බලන්නේ මේ නිසාය.

මොළය හා ස්‌නායු පද්ධතිය කෙරෙහිද තයිරොයිඩ් හෝමෝන අඩුවීම බලපෑම් ඇති කරයි. මානසික ක්‍රියාකාරිත්වය අඩපණ වන අතර අමතකවීම අවධානය එක්‌ තැනකට යොමුකර සිටීමට නොහැකිවීම, නිදිමත ගතිය ඇතිවීම මානසික කලකිරුණු බව ඇතිවීම, මනසට ඇතිවන වෙනස්‌වීම් දරා ගැනීමට නොහැකි වීම ඉන් සමහරකි. සමහර රෝගීන්ගේ ශ්‍රවණය දුර්වල වන අතර අත්වලට සපයන එක්‌තරා ස්‌නායුවක්‌ මැණික්‌ කටුව අසල තෙරපීම නිසා ඇඟිලිවල හිරි ගතිය ඇතිවේ. ශරීරයේ ශක්‌තිය අඩුවීම, කම්මැලි ගතිය, ආහාර අරුචිය සහ සිරුරේ බර වැඩිවීමද බොහෝ රෝගීන්ගේ ඇතිවේ.

සියයට පනහක්‌ පමණ රෝගීන්ගේ සීතල දරාගැනීමට නොහැකියාව ඇතිවන අතර දහඩීය දැමීම අඩුවේ. දිවා කාලයේදී පවා අධික සීතලක්‌ දැනෙන අතර සමේ ගොරෝසු ගතියක්‌ ඇතිවේ. මුහුණ ඉදිමුණු ස්‌වභාවක්‌ පෙන්නුම් කරයි. අධිකව හෝමෝන ඌනතාවය ඇතිවූවන්ගේ ගාත්‍රා ඉදිමීමට ලක්‌වේ. හිසකෙස්‌ අධිකව ගැලවී යැම, ඇහැ බැමෙහි කෙස්‌ ගැලවී යැම, කටහඬ ගොරෝසු බවක්‌ පෙන්නීම තවත් සමහර රෝග ලක්‍ෂණයන්ය.

අධික ලෙස ඌනතාවය ඇති රෝගීන්ගේ කතා කිරීමේ වේගය සහ ගමන් කිරීමේ වේගය පවා අඩුවේ. මුහුණෙහි හැඟීම් ප්‍රකාශවීම සිදු නොවේ. දිව විශාලවීම නිසා නින්දේදී ගෙරවීමද ඇතිවේ. තවද මාංශ පේශීන්ගේ වේදනාව සන්ධි වේදනාව ඇතිවේ.

ඉහත සඳහන් රෝග ලක්‍ෂණයන්ට අමතරව රෝගියා, පරීක්‍ෂා කිරීමේදී රක්‌තහීනතාව සමෙහි කහ පැහැවීම, නාඩි වේගය අඩුවීම ආදියද සොයා ගත හැකිවේ.

තයිරොයිඩ් හෝමෝaන ඌනතාවය උග්‍රව ඇති රෝගියකුට හදිසියේ වෙනත් කායික රෝගයක්‌ ඇතිවීම හදිසි අනතුරක්‌ ඇතිවීම ශල්‍ය කර්මයකට භාජනය වීම වැනි දේ සිදුවීමේදී ඒවා දරාගත නොහැකිවේ. මෙවැනි අවස්‌ථාවේදී රෝගියාගේ සිහිය නැතිවීම, ශරීරයේ උෂ්ණත්වය පහළ බැසීම රුධිරයේ කාබන් ඩයොක්‌සයිඩ් එකතුවීම සහ රුධිරයෙහි ලවණ ප්‍රමාණයන් වෙනස්‌වීමද සිදුවේ. උදරයෙහි තරලය එකතුවීම වැනිදේ සිදුවිය හැක. මෙවැනි අවස්‌ථාවක රුධිර පීඩනය සහ හෘදයේ ක්‍රියාකාරිත්වය අඩපණ වීමෙන් රෝගියා මරණයට පත්වීමටද හැක.

ඉහත සඳහන් විස්‌තරයන්ට අනුව පෙනී යන්නේ තයිරොයිඩ් හෝමෝන ඌනතාවය. කිසිම විශේෂිත රෝග ලක්‍ෂණ නොමැති වන අතර කිසිදු රෝග තත්ත්වයක්‌ නොමැති තත්ත්වයේ සිට මාරාන්තික සිහි මුර්ජාව දක්‌වා රෝග ලක්‍ෂණ දිව යා හැකි බවය.

එසේම අප මානසික රෝග ලෙස දක්‌වන කලකිරීම වැනි ආකාරයටද රෝගය ඉස්‌මතු වියහැකි බවය. එබැවින් බැලූ බැල්මට තයිරොයිඩ් හෝමෝන ඌනතාවය හඳුනා ගැනීම ඉතාමත් අපහසුය. ශරිරයේ පිටතට පෙනෙන වෙනස්‌වීම් වුවද සිදුවන්නේ ඉතා මන්දගාමීව බැවින් පවුලේ අයටද රෝගියාගේ වෙනසක්‌ දැකීම අපහසුය.

ඇමරිකා එක්‌සත් ජනපදයේ සියලුම අලුත උපන් දරුවන්ගේ රුධිර සාම්පලය පරීක්‍ෂා කර මෙම තත්ත්වය ඇතිදැයි පරීක්‍ෂා කර බලනු ලැබේ. එසේම ගර්භනී සමයට පෙරද පළමු තුන් මස ඇතුළතද රුධිර පරීක්‍ෂා කර තයිරොයිඩ් හෝමෝන ඌනතාවය ඇතිදැයි බලනු ලැබේ.

රුධිර පරීක්‍ෂණයෙහිදී ඉතාම වැදගත් පරීක්‍ෂණය නම් රුධිරෙයි ඔSH ප්‍රමාණය නිර්ණය කිරීමයි. රෝග ලක්‍ෂණ ඇතිවන විට ඔSH ඉතා ඉහළ මට්‌ටමකට වැඩිවේ. කාලීන තයිරොයිඩ් ග්‍රන්ථි ප්‍රදාහය නිර්ණය කිරීම සඳහා රුධිරයෙහි නොයෙකුත් ප්‍රතිදේහ මට්‌ටම් පරීක්‍ෂා කරනු ලැබේ. තයිරොයිඩ් හෝමෝන ඌනතාවය හෙවත් මන්ද පරාභවතාවයට ප්‍රතිකාර කිරීම ඉතාම පහසුය. එනම් දිනපතා තයිරොක්‌සින් හෝමෝනය පෙති ආකාරයට ලබාදීමයි. ජීවිතාන්තය දක්‌වාම ඖෂධ ලබාගත යුතු බවත් කිසිම අවස්‌ථාවක ඖෂධ නොනැවැත්විය යුතු බවත් රෝගීන් හට අවබෝධ කළ යුතුය.

එසේම ගර්භනී සමයෙහි සහ වෙනත් රෝගාබාධයකට ලක්‌වූ විට ඖෂධ මාත්‍රාව තරමක්‌ වැඩිකළ යුතුය.

සැමියා කෝප වූවොත්.. බිරිය බිහිරි වූවාසේ සිටින්න

අඹුසැමි සබඳතාවේ දී දෙපළ ම වඩාත් ම සැලකිලිමත් විය යුතු කාරණයක්‌ වේ. ඒ දෙදෙනා අතර, කෙදිනකවත් දබරයක්‌ ඇති නොවීමට වගබලා ගැනීමය. සැබෑ ලෙසින් ම බැලුවොත් එය විවාහය සම්බන්ධයෙන් දෙදෙනාගේ ම ප්‍රබල වගකීමකි. මක්‌නිසාද යත් අඹුසැමි දෙපළ අතර, ගැටුමක්‌ දබරයක්‌ ඇතිවීමෙන් එය පුරුද්දකට යැම නිසාය. දෙදෙනා රණ්‌ඩු කරගතහොත්, එයින් පසුව එය සාමාන්‍ය දෙයක්‌ බවට පත්වේ.

වර්තමානයේ ඇතැම් යුවතියන්

වර්තමානයේ ජීවත්වන ඇතැම් යුවතියන්, විවාහයේ තිබිය යුතු එම පොරොන්දුව ගැන එතරම් සැලකිලිමත් නො වීමෙන්, දෙදෙනා අතර ක්‍රමයෙන් දුරස්‌ බවක්‌ ඇති කර ගනී. එයට බලපාන එක්‌ හේතුවක්‌ වන්නේ, අද කාලයේ බොහෝ යුවතියන් විවාහ දිවියට ඇතුලත් වන්නේ, රැකියාවක යෙදෙන ස්‌වාධීන ගැහැනුන් ලෙසිනි. එහෙයින් ඇය සිතන්නේ, පිරිමින්ගේ අසාධාරණකම්වලට යටත් විය නොහැකි බවකි. නමුත් සෑම පිරිමියෙකු ම පාහේ ප්‍රිය කරන්නේ, විවාහය තුළ තම අණසක පවත්වාගෙන යැමටය. එහෙයින්, ඔහු කියන කරන දේ හරි හෝ වැරදි හෝ වේවා, එය සනාථකිරීමේ වෑයමක යෙදේ. තනිමතයට කටයුතු කිරීමට පෙළඹේ. බිරිඳකගේ කෝණයෙන් බලද්දී, එය වරදක්‌ බව සැබෑය. නමුත් එම තත්ත්වය නිවැරදි හා වෙනස්‌ කර ගැනීමට ඇය ට සිදුවන්නේ, එය ට එරෙහිව දබරයක්‌ කර ගැනීමෙන් නොව, බුද්ධිමත් ව ඉවසීමෙන් කටයුතු කිරීමෙනි.

අද ගැහැනිය ස්‌වාධීන හෙයින්, ඇය සැමවිටම උත්සාහ කරන්නේ, තම සැමියාගේ යම් යම් ක්‍රියාවන්ට එරෙහි ව දබර කර ගැනීමට ය. නමුත්, යම් බිරිඳක්‌ තම සැමියා සමඟ දබරයක්‌ ඇති කර ගැනීමෙන් පසුව හැඟෙන්නේ, තම ජීවිතය තුළ ප්‍රබල හිස්‌බවක්‌ තිබෙන බවකි. එය එක්‌තරා අන්දමකින් පරාජිත හැඟීමකි.

"එයා වැඩ කරන්නේ එයාට ඕන විදියටනේ. මං ඕව ට කතාකරන්න යන්නේ නෑ. කවදා හරි තනිමතය ට වැඩ කරලා මට්‌ටුවෙයිනේ."

අඹුසැමියන් අතර මත ගැටුම් ඇති වූ විට දී, බොහෝ බිරියන් සිතන්නේ, එලෙසිනි. නමුත්, එසේ සිතීමෙන් අදහස්‌ කෙරෙන්නේ, දෙදෙනා අතර යම් දුරස්‌වීමක්‌ හටගෙන ඇති බවකි. අඹුසැමි දෙපළ අතර මත ගැටුමක්‌ දබරයක්‌ ඇති නො විය යුතු සේම, එලෙසින් දෙදෙනා අතර දුරස්‌වීමක්‌ තිබීම ද තේරුමක්‌ නොවේ.

කතාබහ කර ගැනීමෙන්

හිතුවක්‌කාරකමින් හෝ බිරිඳට බොහෝ දේ නො පවසමින් සැමියා කටයුතු කිරිමෙන් සිදුවන්නේ, ඇය ට විවාහය හුදකලාවීමක්‌ සේ හැඟීමය. සැමියා තමා සමඟ දබර කර ගැනීමක ට නිබඳව ම පෙළඹෙද්දී හෝ තමාගේ මතය ම ක්‍රියාවට නැගීමට උත්සාහ කරද්දී, බිරිඳක්‌ එය දකින්නේ, සැමියා තමාට ආදරය නො කරන බවකි. ඔහුට තමාව නො වටිනා බවකි. එහි ප්‍රතිඵලය වන්නේ, එම විවාහය දෙදෙනාට ම නො දැනීම යම් දුරස්‌වීමකට පත්වීමය.

එහෙයින්, එම තත්ත්වය ට විවාහයක්‌ පත්කර ගැනීමේ අරුතක්‌ නො වන අතර, දබරයක්‌ ඇතිවීමට බලපාන කරුණු, දෙදෙනා විසින් ම අධ්‍යයනය කළ යුතුය. දෙදෙනා අතර යම් ප්‍රබල දබරයක්‌ ඇති වුවහොත්, දෙදෙනා විසින් ම , එය හටගත්තේ කෙසේ ද යන්න ගැන ගැඹුරින් සිතා බැලීම වටී. ඒ සමඟ ම එම තත්ත්වය වලක්‌වා ගැනීමට කළ යුතු ව තිබූ දෙය සිතා බැලිය යුතුවේ.

බොහෝ අවස්‌ථාවල දී

අඹුසැමි දෙපළක්‌ අතර දබරයක්‌ හටගන්නේ, සැමියා යම් දොසක්‌ කී විට දී, බිරිඳ එයට ප්‍රති පිළිතුරු දීමට යැම හෝ එකින් එක කීමට යැම නිසාය. නමුත්, සෑම බිරිඳක ම වටහාගත යුතු දේ වන්නේ, පිරිමින් එය අනුමත නො කරන බවකි. ඔහු එය දකින්නේ, තමාගේ පිරිමිකමට හානියක්‌ සේ ය. එහෙයින්, බිරිඳගේ එම හැසිරීම ට ඉඩ නොදිය යුතුය යන්නය. එම හැඟීම මත, ඔහු තම බිරිඳ ව පරාජය ට පත්කිරීමට උත්සාහ කරන අතර, ඒ සඳහා විවිධ උපක්‍රම ද භාවිත කරයි.

වඩාත් කදිම දේ

දබරකර ගැනීමකින් තොරව පවුල්කෑමට නම් ඔබ කළ යුත්තේ, සැමියා කෝපයට පත් වූ විට බිරිඳ ලෙසින් ඔබ නිහඬවීමේ ප්‍රතිපත්තියක්‌ අනුගමනය කිරීමය. මන්ද, අඹුසැමි දෙපළ ම එකවර කෝපයට පත්වීම වරදකි. එයින් සිදුවන්නේ, අනවශ්‍ය දබරයක්‌ ඇතිවීමය. එමෙන් ම , එය ප්‍රබල සිත් වේදනාවක්‌ සේම, දුරස්‌වීමකට ද හේතුවකි. සැමවිට ම පවුලේ අනවශ්‍ය මතභේද වලක්‌වා ගැනීමේ වගකීම, බිරිඳකට පැවරේ. එහෙයින්, සැමියා යම් දෙයකට කෝපයට පත්වීම හෝ ඔබේ වරදක්‌ පෙන්නුම් කරද්දී, නිහඬවීමෙන්, ඔබ එම වරද පිළිගත් බවක්‌ ඔහුට ඒත්තු ගැන්වේ. සැබවින් ම එය පරාජයවීමක්‌ නොව, දිනීමකි. මන්ද එසේ කිරීමෙන් ඔබේ පවුලේ සමගිය හා සාමය

රැකේ. එය සෑම බිරිඳක අතින් ම සිදුවිය යුත්තකි. සාමාන්‍යයෙන් පිරිමින් ඉක්‌මන් කෝපකාරයන්වීමට හැකි හෙයින්, බිරිඳක්‌ සැමවිටම ක්‍රියාකළ යුත්තේ, සැමියාගේ කෝපය නිවන්නිය සේ ය. එසේ නොමැති ව ඇය ද ඔහුට එරෙහි ව, කැත්තට පොල්ල වීමට ගියහොත්, එය පවුල් විනාශවීමකි.

නමුත්, ඔබ නොකළ වරදකට බැනුම් ඇසිය යුතු ද නොවේ. ඒ සඳහා කළ යුත්තේ, ඔහු සන්සුන්ව සිටියදී, ඔහුගේ හැසිරීම් රටාවේ වැරදි බව හා ඔහු තමා ඉදිරියේ හැසිරිය යුතු නිවැරදි ක්‍රමය වටහාදිමය. එවිට ඔහු සියුම්ව ලැඡ්ජාවට පත්වේ. තමාගේ වරද ඔබ ඉදිරියේ නොපිළිගත්ත ද , රහසේ ම වරද ඒත්තු ගනී. එය සැමවිටම ඔබේ වාසියට හේතුවේ.

එමෙන්ම, ඔහු සන්සුන්ව සිටියදී, ඔහුගේ හැසීරිම සම්බන්ධයෙන් ඔබ ප්‍රිය කරන තාලය පිළිබඳ ව, ඔහු ව දැනුවත්කිරීම වටී. එවිට ඔහු ඔබේ එම අදහස්‌ තම සිතට ගනී. ඔහුගේ සිතේ ඔබ කෙරෙහි වූ ආදරය ද එයින් වැඩිවේ. එය අඹුසැමි සතුට වර්ධනය කරන්නකි.

එසේ නොමැතිව, සැමියා කෝපවන තරමට ම, බිරිඳක ලෙසින් ඔබ ද කෝපයට පත් වූවොත්, එය සහමුළින්ම විවාහය අසුන්දරත්වය කරා ගමන් කරවීමකි.


ප්‍රදීප් කුමාර බාලසූරිය

ගැබිනි මවට දියවැඩියාව හැදුණොත්..

පසුගිය සති කීපය තුළ දියවැඩියාව සම්බන්ධව බොහෝ වැඩසටහන් පැවැත්විය. මීට හේතුව දියවැඩියා දිනය පසුගිය දිනෙක යෙදී තිබීමයි. දියවැඩියාව වශයෙන් සාමාන්‍ය ව්‍යවහාරයේ සැළකෙන රුධිරයේ සීනි වැඩි වීම ගර්භනී සමයේදී ද සිදු විය හැක.

රුධිරගත සීනි ප්‍රමාණය පාලනය වීම ප්‍රධාන වශයෙන් ම සිදුවන්නේ ඉන්සියුලින් නමැති හෝමෝන වර්ගයෙහි ක්‍රියාකාරිත්වය මගිනි. ගර්භණී සමයේදී මෙම හෝමෝනයේ ක්‍රියාකාරිත්වය සහ ස්‍රාවය වන ප්‍රමාණය සාමාන්‍ය තත්ත්වයේදී ට වඩා බොහෝ ලෙස වෙනස්‌ වේ. එම නිසා දියෑවැඩියාව ගර්භණී නොවන තත්ත්වයේදීට වඩා ගර්භණී සමයේදී බොහෝ ගැටලු ඇතිකරයි. මවගේ සිරුරේ සියලුම අවයවයන්ට මෙම තත්ත්වයේ බලපෑම ඇති වේ. විශේෂයෙන්ම පෙර සිටම දියවැඩියාව ඇති කාන්තාවක්‌ ගැබ් ගැනීමෙන් පසු ඇගේ ශරීරයේ ඇති විය හැකි දියවැඩියාව හා සම්බන්ධ සංකූලතා වැඩිවිය හැක. එනම් ඇස්‌ වල ඇති වන සංකූලතා, වකුගඩු ආශ්‍රිත ගැටලු , හෘද රෝග, ස්‌නායු රෝග හා ඒ ආශ්‍රිත ගැටලු, සංකීර්ණ විය හැක. එබැවින් දියවැඩියා තත්ත්වයෙන් පෙළෙන කාන්තාවක්‌ ගැබ් ගැනීමට බලාපොරොත්තු වන්නේ නම් ඇගේ දියවැඩියා තත්ත්වය මනා ලෙස පාලනය කරගත යුතුයි. මීට අමතරව ඇස්‌, වකුගඩු, ස්‌නායු, හෘදය යන අංග ගැන විශේෂයෙන් සොයා බලා ගැටලු ඇත්නම් ඒවා පාලනය කරගත යුතුයි. ගර්භණී සමය තුළදී ද මේවා අදාළ පරික්‌ෂණ කිරීමෙන් ගැටලු ඇති වන්නේ දැයි විමසිලිමත් විය යුතුය.

දියවැඩියාව ආශ්‍රිත සිරුරේ සිදුවන මූලිකම වෙනසක්‌ වන්නේ රුධිර නාල වල සිදුවන හානීන්ය. ගර්භණී තත්ත්වයත් සමඟ ළදරු කළලයට පෝෂණය සැපයෙන වැදෑමහ වර්ධනය වීම සිදු වේ. මෙම වැදෑමහ තුළ නිපදවෙන රුධිර නාල වල පවා මෙම වෙනස්‌ වීම් සිදු විය හැක. එලෙස සිදු වන විට වැදෑමහ නිරෝගි ලෙස වර්ධනය වන්නේ නැත. මේ සමඟ තවත් බොහෝ ගැටලු ඇතිවිය හැක. ගර්භණී සමයේදී ඇතිවන අධික රුධිර පීඩනය දියවැඩියාවෙන් පෙළෙන මව්වරුන්ගේ සංකූලතාවයක්‌ ලෙස දැකිය හැක.

තවද ළදරු කළලයට පෝෂණය අඩු වීමෙන් එහි වර්ධනය අඩු විය හැක. අනවශ්‍ය ලෙස වැඩි රුධිර සීනි ප්‍රමාණයක්‌ ඇතුළු වීමෙන් කළලය අනවශ්‍ය ලෙස වර්ධනය වීමෙන් ප්‍රමාණයට වඩා විශාල, වැඩි උපත් බරක්‌ සහිත දරුවන් බිහිවිය හැක. දියවැඩියාව සහිත මවකට උපත් අඩුපාඩු සහිත දරුවකු බිහිවීමේ ප්‍රවණතාවය නිරෝගී මවකට එවන් දරුවකු බිහිවීමේ ප්‍රවණතාවයට වඩා වැඩිය. තවද, කළලයක්‌ අඩු මාස ගණනකදී වර්ධනය ඇණ හිටීම, ගර්භාෂය තුළදීම සිදුවන හදිසි කළල මරණ, උපතේදීම ජීවී තත්ත්වය නැති වී යාම වැනි ඉතා ගණගාටුදායක තත්ත්වයන් මෙම රෝගය ආශ්‍රිතව දැකිය හැක. ගර්භණී සමයේදී මුල සිට ම ලේ, මුත්‍රා පරික්‌ෂා කිරීමෙන් මෙම තත්ත්වය හඳුනාගත හැක. මුල් කාලයේ සිට ම රුධිරගත සීනි ප්‍රමාණය පාලනය කළ හැකි නමුත් ගර්භණී අවධියේ දී මෙය අපහසු විය හැක. එවැනි අවස්‌ථා වලදී ඉන්සියුලින් හෝමෝනය එන්නත් මාර්ගයෙන් ලබාදීම සිදුකෙරේ.

බොහෝ විට ගර්භණී සමයේ දී මතුවන දියවැඩියා තත්ත්වය දරු ප්‍රසූතියත් සමග නැති වී යයි. මෙය රුධිරය පරීක්‌ෂා කිරීමෙන් දැන ගත හැකිය. මෙවැනි කාන්තාවකට පසු කලකදී දියවැඩියා තත්ත්වය ඇතිවීමේ වැඩි ප්‍රවණතාවක්‌ ඇති බැවින් ඇය ඒ සම්බන්ධව වඩාත් කල්පනාකාරී විය යුතුය. ගර්භණී සමයේ දී ශරීරයේ බොහෝ හෝමෝනවල වෙනස්‌කම් ඇතිවන බැවින් දියවැඩියාව මතුවීමේ ඉඩ කඩ වැඩිය. එබැවින් ගැබිණි මවක්‌ ගර්භණී සමයේ දී සීනි බහුල ආහාර වර්ග අඩුවෙන් ගැනීම යහපත්ය. අද සමාජයේ අනුභව කරන ආහාර අතුරින් ශරීයේ රුධිරගත සීනි ප්‍රමාණය ක්‌ෂණිකව වැඩි කරන ආහාර (පැණි රස කැවිලි, ලොසින්ජර..) වඩා හානිකර සහ අඩු පෝෂණ ගුණයෙන් යුක්‌ත ආහාර ලෙස හැඳින්විය හැක. මෙවැනි ආහාර ගැනීම අඩු කිරීම ගර්භණී මව්වරුන්ට පමණක්‌ නොව අන් අයගේ සෞඛ්‍යයටද හිතකර වේ.

කාන්තා රෝග පිළිබඳ ගැටලූ කාන්තා සෞඛ්‍ය සායනයට යොමු කරන්න.

කාන්තා සෞඛ්‍ය සායනය තුළින් හැමදාමත් කාන්තා රෝග පිළිබඳව අපි ඔබ දැනුවත් කළෙමු. කාන්තා රෝග සම්බන්ධයෙන් දැනුවත් වූ ඔබටත් ඒ පිළිබඳ ගැටලු රාශියක්‌ තිබෙන්නට පුළුවන්.

කාන්තා රෝග පිළිබඳ ඔබේ ගැටලුව කාන්තා සෞඛ්‍ය සායනය වෙත යොමුකරන්න. ඔබට සහනයක්‌ ලබා ගැනීමට කාන්තා සෞඛ්‍ය සායනය තුළින් හැකිවනු ඇත.

වෛද්‍ය
චම්පා නෙල්සන්

මෙන්න අපේ සිංහල කෑම

අප දේශීය ආහාර පිළිබඳ විමසිලිමත් වූ ප්‍රමාණය අනුව අපට අනන්‍ය වූ ආහාර ද්‍රව්‍ය තිබී ඇති බවත්, දැනටමත් රටේ සමහර ප්‍රදේශවල එම ආහාර පිළියෙල කරන බවත් අපට දැකගත හැකි විය. එසේම සමහර පුද්ගලයන් එම ආහාර ද්‍රව්‍යයන් සුරැකීම සඳහා කටයුතු කරන අයුරු ද අපට දැකගත හැකි විය. මෙහිදී අප පළමුවෙන්ම සඳහන් කරන්නේ එම කටයුත්තේ නිරත වී සිටින බදුල්ල ජෛව විවිධත්ව මධ්‍යස්‌ථානය පිළිබඳවය. එම සංවිධානයේ ප්‍රධාන සම්බන්ධීකාරකයා ලෙස කටයුතු කරන්නේ එස්‌. අත්තනායක මහතාය.

අත්තනායක මහතා අප හා සඳහන් කළ ආකාරයට කුරහන් තලප පමණක්‌ නොව කුරක්‌කන්වලින්ම නිෂ්පාදනය කරන දෝසි මෙන්ම කොණ්‌ඩ කැවුම්, කී රොටි, පුස්‌නාම්බු, උදුවැල්, කලුපොල් මාලුව, බිලිං බැඳුම, මිශ්‍ර එළවළු ආනම, ඌවේ හත්මාළුව, තැම්බුම් හොද්ද රෑ කායම් හොද්ද, ඔඩිතාලම් ලුණුමිරිස, කොල්ලු ආනම ඇතුළු ද්‍රව්‍යයන්ට අපට හිමිකම් කිව හැක.

ඒ පිළිබඳ වැඩිදුරටත් සඳහන් කිරීමට මත්තෙන් එම ආහාර ද්‍රව්‍යයන් පිළියෙල කරගන්නා ආකාරය සලකා බලමු.

කොණ්‌ඩ කැවම්

අවශ්‍ය ද්‍රව්‍ය

හාල්පිටි 500 ට

සීනි 100 ට

පැණි බෝතල් 1/2

තම්බා ගන්නා ලද පාන් පිටි ස්‌වල්පයක්‌

සාදා ගන්නා ආකාරය

හාල්පිටි, පාන් පිටි, සීනි, පැණි, ලුණු ස්‌වල්පයක්‌ එක්‌ කොට තරමක්‌ ඝන වන සේ සකසා ගන්න. රත් කරන ලද තෙල්වලට පිටි ස්‌වල්පයක්‌ බැගින් දමා කැටවී ගෙන එන විට එහි මැද ඉරටුවකින් සිදුරු කර මැද පිටි ටික මුදුනට කොණ්‌ඩයක්‌ සේ එන්නට සලස්‌වන්න. ඉරටුව කරකවමින් තෙල් ඉසින විට කොණ්‌ඩය මුදුනට එනු ඇත.

කී රොටී

අවශ්‍ය ද්‍රව්‍ය

හාල් සේරු 1 1/2

පොල් ගෙඩි 2

සීනි 500 ට

කරදමුංගු කුරුඳු පොතු

වැනිලා ස්‌වල්පයක්‌

ආප්ප සෝඩා තේ හැඳි 1

ලුණු

සාදා ගන්නා ආකාරය

පළමුව හාල් සේරුවක පිටි ගෙන ආප්ප සෝඩා හා ලුණු දමා පිටි (ආප්පවලට මෙන්) අනාගන්න. මෙය පැය 06 ක්‌ පමණ වේලාවක්‌ පිපෙන්නට තබා පසුව පොල්ගෙඩියක කිරි දමා පදමට අනාගන්න. ඉන් පසු තාච්චුව ලිප තබා ආප්ප සාදාගන්න.

කිරි පැමිණි මිශ්‍රණය

පොල්ගෙඩියක කිරි මිරිකා එයට හාල් පිටි, සීනි, ලුණු, කරදමුංගු, කුරුඳු, වැනිලා ආදිය දමා උකු මිශ්‍රණයක්‌ හදන්න. එයට කලින් සාදා ගත් ආප්ප දමා මඳ වේලාවක්‌ තබා ආහාරයට ගන්න.

පුස්‌නාම්බු

අවශ්‍ය ද්‍රව්‍ය -

ඉරිඟු පිටි 250

හාල් පිටි 100 ට

කිතුල් පැණි

දවසක්‌ පරණ පොල් වතුර ටිකක්‌

ඉදුණු ආනමාලු කෙසෙල්ගෙඩියක්‌

ලුණු

සාදා ගන්නා ආකාරය -

අඹරා ගත් ඉරිඟු පිටි හා හාල් පිටිවලට පැණි අවශ්‍ය පමණ ද, පොල් වතුර මේස හැඳි 2 ක්‌ පමණ ද හොඳින් පොඩි කරගත් කෙසෙල් ද දමා මිශ්‍ර කර ලුණු ස්‌වල්පයක්‌ දමන්න. ආප්ප පදමට මිශ්‍රණය සාදා පැය 06 ක්‌ 08 ක්‌ පමණ වසා තබන්න. (රාත්‍රියේ සෑදු මිශ්‍රණය උදේ පාවිච්චි කළ හැක) උදේ කඩපිම්ම බැඳ වළඳක්‌ ලිප තබා මිශ්‍රණයෙන් කෝප්ප 1/2 ක්‌ පමණ තම්බා ගන්න. (කඩපිම්මට කෙසෙල් කොළයක්‌ අතුරන්න) හොදින් තැම්බී මුදුන පුපුරන විට බිමට ගන්න. මෙසේ එකින් එක තම්බා ගන්න.

උඳු වැල්

අවශ්‍ය ද්‍රව්‍ය -

උඳු 500 ට

හාල්පිටි 250

ලුණු සෑහෙන පමණ

පොල් කිරි ස්‌වල්පයක්‌

ආනමාලු කෙසෙල්ගෙඩියක්‌

කිතුල් පැණි

සාදා ගන්නා ආකාරය

උඳු පැය කිහිපයක්‌ පෙගෙන්නට හරින්න. ඉන්පසු හොඳින් අඹරා ගත් උඳුවලට හාල්පිටි, ලුණු, පොල්කිරි හා ආනමාලුගෙඩිය ද එකතු කර ආප්පවලට යොදා ගන්න. පදමට සාදා ගන්න. ඝන රෙදි කැබැල්ලක බොත්තම් කාසයක්‌ මසා ඒ මතට සාදා ගත් පිටි මිශ්‍රණය ටික ටික දමා රත් වූ තෙලට රවුමට වත් කරන්න. රන්වන් පැහැය වන තෙක්‌ බැඳ ගන්න. උණු කර නිවා ගත් පැණි බඳුනට දමා පැණි උරා ගත් පසු පිටතට කෑමට ගන්න.

කලූපොල් මාලූව

අවශ්‍ය ද්‍රව්‍ය -

තම්බාගත් කොස්‌ ඇට කෝප්ප 1 ක්‌

බැදපු මිරිස්‌ කුඩු

බැදපු තුනපහ කුඩු

පොල් කිරි කෝප්ප 2 ක්‌ පමණ

තක්‌කාලි

කහ

සුදු ලූනු

රතු ලූනු

අමු මිරිස්‌, කරපිංචා, රම්පේ

සාදාගන්නා ආකාරය

කොස්‌ ඇට සෝදා හොඳට පොඩිවන සේ තම්බාගන්න. (අලුත් කොස්‌ ඇට) ඉන් පසු බැදපු මිරිස්‌ කුඩු, බැදපු තුනපහ කුඩු, කහ ආදිය මිශ්‍ර කරන්න. එයට ලූනු, අමු මිරිස්‌, කරපිංචා, තක්‌කාලි, කුරුඳු ආදිය එක්‌ කරන්න. ඉන් පසු තෙල් රත්වන්නට හැර එයට රම්පේ, අබ ආදිය දමා රත්වූ පසු මිශ්‍රණය ද දමන්න. තැම්බීගෙන එන විට පොල් හා හාල් බැඳ හොඳට අඹරා එය ද එක්‌ කරන්න. ඉන් පසු පොල් කිරි කෝප්ප 2 ක්‌ එක්‌කර හොඳින් උතුරා ලිපෙන් බා කෑමට ගන්න.

බිලිං බැඳුම

අවශ්‍ය ද්‍රව්‍ය -

තරමක්‌ පැසුණු බිලිං ගෙඩි 25

රතු ලූනු 150 ට

උම්බකඩ කුඩු මේස හැඳි 2

බැදපු මිරිස්‌ මේස හැඳි 2

බැඳපු තුනපහ සුවඳ කුඩු මේස හැඳි 1

කරපිංචා

රම්පෙ

පොල්තෙල් ස්‌වල්පයක්‌

ලුණු අවශ්‍ය තරමට

සුදු ලූනු බික්‌ 2 ක්‌

සාදන ක්‍රමය -

බිලිං සෝදා සිහින්ව දිග අතට සහ හරහට තීරු මෙන් සිහින්ව ලියාගන්න. ලුණු දමා මිරිකා ගන්න. නැවත වතුරෙන් සෝදා ගන්න. දිය හොඳින් මිරිකා හරින්න. තාච්චියකට තෙල් ස්‌වල්පයක්‌ දමා ලිප තබන්න. රත්වන විට රම්පෙ කරපිංචා අඹරන ලද සුදු ලූනු එකතු කරන්න. සුවඳ දැනෙන විට උම්බලකඩ කුඩු ද එක්‌ කරන්න. බැඳපු මිරිස්‌ හා තුනපහ ද කවලම් කරන ලද බිලිං කැබලි ද එයට දමා මිශ්‍ර කරගන්න. අවශ්‍ය පදමට ලුණු ද දමන්න. දියර ගතිය සිඳී ගිය පසු ලිපෙන් ඉවත් කරගන්න.

මිශ්‍ර එළවළු ආනම

අවශ්‍ය ද්‍රව්‍ය -

මෑ කරල්, මුං ඇට, ගැට කරවිල

කොස්‌ඇට, වට්‌ටක්‌කා, බණ්‌ඩක්‌කා

ලීමා කොළ

පොල් තෙල්

මිරිස්‌, තුන පහ, කහ, රතුලූනු, සුදු ලූනු

රම්පේ, කරපිංචා, තක්‌කාලි

උම්බලකඩ

ලුණු

සාදා ගන්නා ආකාරය -

එළවළු වර්ග සියල්ල සෝදා කපා හට්‌ටියකට දමා සියලුම ද්‍රව්‍ය මිශ්‍ර කර වතුර දමා හොඳින් තම්බන්න. එයට කුරක්‌කන් පිටි මේස හැන්දක්‌ දමා උයාගන්න. පසුව තෙම්පරාදු කර ගන්න.

ඌවේ හත්මාලුව

අවශ්‍ය ද්‍රව්‍ය -

අල වර්ග - කොහාල, බතල

ගෙඩි වර්ග - වට්‌ටක්‌කා, අළු කෙසෙල්

මල් වර්ග - කතුරුමුරුංගා, වට්‌ටක්‌කා

කොළ වර්ග - මුකුණුවැන්න, සාරණ, කූර, තම්පලා

කරල් වර්ග - දඹල, මෑ, බෝංචි

ඇට වර්ග - ලීමෑ, කොස්‌ ඇට

දළු වර්ග - මෑ දලු, වට්‌ටක්‌කා දලු, චච් දලු

තුනපහ, ලුණු, රතුලූනු, අමුමිරිස්‌, කරපිංචා, පොල් කිරි

සාදා ගන්නා ආකාරය

කොස්‌ ඇට තලා පොතු ඉවත් කර ගන්න. අනෙකුත් ද්‍රව්‍ය කුඩාවට කපා ගන්න. තැම්බීමට වෙලා ගන්නා කොස්‌ ඇට පළමුව වතුර ස්‌වල්පයක්‌ දමා ලිප තබා ගන්න. (දිය කිරි වුවද භාවිත කළ හැක) ඉන් පසු ඉතිරි සියල්ලම ද තුනපහ, ලුණු, රතු ලූනු, අමුමිරිස්‌ කපා එය ද කරපිංචා ද එකතු කර ගන්න. මේ සියල්ලම තැම්බීම සඳහා දියකිරි හෝ වතුර ස්‌වල්පයක්‌ යෙදිය හැක. ඉන් පසු මිටි කිරි එකතු කර මඳ ගින්නේ ලිප තබා ඉස්‌ම සිඳී යන්නේ නම් තෙත ගතිය ඇතිවන සේ උයාගන්න. ලිපෙන් බා කුළු බඩු (රම්පෙ, කරපිංචා, කුරුඳු, එනසාල්, කරාබු නැටි කබලේ බැද වංගෙඩියේ කොටා සකසා ගත් මිශ්‍රණය) ස්‌වල්පයක්‌ හත් මාළුවට උඩින් ඉස ගන්න පෝෂණ ගුණය සලකා තෙම්පරාදු නොකර සිටීම වඩා හොඳයි.

තැම්බුම් හොද්ද රෑ කායම් හොද්ද

අවශ්‍ය ද්‍රව්‍ය -

වියළි මිරිස්‌ කරල් 2

ගම්මිරිස්‌ ඇට කිහිපයක්‌

සුදුලූනු කරපිංචා

සූදුරු කොත්තමල්ලි ස්‌වල්පයක්‌

උම්බලකඩ රතු ලූනු

ගොරකා බික්‌ 2 ක්‌ 3 ක්‌

ලුණු

සාදා ගන්නා ආකාරය

මිරිස්‌, ගම්මිරිස්‌, සුදුලූනු, කරපිංචා, සූදුරු, කොත්තමල්ලි සියල්ල මිරිස්‌ ගලේ අඹරා රතු ලූනු, ලුණු, උම්බලකඩ හා ගොරකා දමා තම්බා ගන්න.

ඔඩිතාලම් ලූණු මිරිස

අවශ්‍ය ද්‍රව්‍ය -

ඔඩිතාලම් කොළ

මිරිස්‌ කරල් කිහිපයක්‌

ගම්මිරිස්‌ ඇට

ලුණු

දෙහි

සාදාගන්නා ආකාරය -

ඉහත සඳහන් ද්‍රව්‍ය මිරිස්‌ ගලේ හොඳින් අඹරා දෙහි ඇඹුල් මිශ්‍ර කරන්න

කොල්ලු ආනම

අවශ්‍ය ද්‍රව්‍ය -

බැදපු කුඩු කරගත් කොල්ලු 100 ට

පොල් කිරි කෝප්ප 2

ලුණු මිරිස්‌, තුනපහ, කහ අවශ්‍ය පමණ

කුරුඳු පොතු, රම්පෙ කරපිංචා

සුදුලූනු, රතුලූනු, තක්‌කාලි

තෙල් ස්‌වල්පයක්‌

සාදා ගන්නා ආකාරය -

කොල්ලු තුනපහ, මිරිස්‌, කහ අවශ්‍ය ප්‍රමාණයට හට්‌ටියකට දමන්න. එයටම කපාගත් කුරුඳු පොතු, රම්පේ, කරපිංචා, සුදුලූනු, රතු ලූනු, තක්‌කාලි දමා පොල්කිරි ද මිශ්‍ර කර මඳ ගින්නේ උයන්න. හොඳින් තැම්බුණු පසු තෙම්පරාදු කර ගන්න.

කුරක්‌කන් තලප

අවශ්‍ය ද්‍රව්‍ය -

කුරක්‌කන් පිටි 250 ට

ලුණු ස්‌වල්පයක්‌

අවශ්‍ය පමණ වතුර

සාදා ගන්නා ආකාරය

මැටි හට්‌ටියකට වතුර ලිප තබා උතුර වන්න. එම වතුරවලින් කොටසක්‌ ඉවත් කර ඉතිරි වතුරවලට කුරක්‌කන් පිටි ටික දමා හැඳි ගාන්න. එය තලපයක්‌ සේ සැදෙන විට ඉවතට ගත් වතුර ස්‌වල්පය බැගින් දමමින් හොඳින් හැඳි ගාන්න. තලප පදම එන විට ලිපෙන් ඉවත් කර කුඩා අඩි වළඳක වතුර තවරා තලපයෙන් හැන්දක්‌ දමා කරකවා බෝලයක්‌ ආකාරයට සකස්‌ කරගන්න. එසේ නොමැති නම් තැටියකට වතුර තවරා කෙසෙල් කොළයක්‌ ගෙන බෝලයක්‌ සේ සාදා ගන්න.

එරික්‌ ගාමිණි ජිනප්‍රිය

ඔබ විදුලි ඉස්‌ත්‍රික්‌කය භාවිත කරන්නේ හරි විදිහටද?

ආහාර පාන මෙන්ම ඇඳුම් පැළඳුම්ද මිනිසාගේ මූලික අවශ්‍යතාවයකි. අප අඳින පළඳින ආකාරයෙන් අපගේ පෞරුෂත්වයද රැකේ. එහෙයින් මනාව ඇඳ පැළඳ එදිනෙදා කටයුතුවල නියෑලීමට බොහෝ දෙනෙක්‌ උනන්දු වෙයි. පාසල් ළමුන් මෙන්ම කාර්යාල සේවක සේවිකාවන්, හා එදිනෙදා ගමන් බිමන් යන්නන්ද තම ඇඳුම් පැළඳුම් ගැන වඩ වඩාත් සැලකිල්ලක්‌ දක්‌වයි.

එදිනෙදා සෝදා පිරිසිදු කරගන්නා ඇඳුම් සේදිමේදී පොඩිවෙයි. ඒ හෙයින් බොහෝ දෙනෙක්‌ ඇඳුම් අලංකාරව තබා ගැනීමට රෙදි මැදීමත් සිදු කරයි.

එහෙයින් ලක්‌ෂ ගණනක්‌ විදුලි පාරිභෝගික නිවාසවල ඉස්‌ත්‍රික්‌කය අත්‍යවශ්‍ය විදුලි භාණ්‌ඩයක්‌ වන අතර එය දින පතාම පරිහරණයද කරයි.

විදුලි ඉස්‌ත්‍රික්‌කයට වැඩි විදුලි බිල ඒකක ප්‍රමාණයක්‌ වැයවන බව දන්නේ ඉතා සුළු පිරිසකි. ඒ ගැන අවබෝධයෙන් යුක්‌තව වෙළඳ පොළෙන් විදුලි ඉස්‌ත්‍රික්‌කයක්‌ මිළදී ගැනිමේදී ඔබ ගත යුත්තේ කාර්යක්‌ෂමතාවයෙන් ඉහළ විදුලි ඉස්‌ත්‍රික්‌කයක්‌ය.

අද වනවිට වෙළඳ පොළේ විවිධ වර්ගයේ විදුලි ඉස්‌ත්‍රික්‌ක දක්‌නට හැකියි. ස්‌වයංක්‍රියව ක්‍රියාත්මක වන විදුලි ඉස්‌ත්‍රික්‌ක ඉහළ කාර්යක්‌ෂමතාවයක්‌ සහිතව ස්‌ටීම් අයන් හෙවත් ජලවාෂ්ප පිටකළ හැකි විදුලි ඉස්‌ත්‍රික්‌කය පාවිච්චි කර රෙදි මැදිමේදී වඩා ඉක්‌මනින් රෙදි මැද ගැනීමට හැකිය. මෙය විශාල වශයෙන් රෙදි මදින ස්‌ථාන වලට සුදුසු වේ.

ඔබ විදුලි ඉස්‌ත්‍රික්‌කයක්‌ මිළදී ගැනීමේ දී අවශ්‍යතාවය අනුව ඉහළ කාර්යක්‌ෂමතාවයකින් යුත් විදුලි ඉස්‌ත්‍රික්‌කයක්‌ මිළදී ගැනීමට සැලකිලිමත්වන්න.

සාමාන්‍යයෙන් විදුලි ඉස්‌ත්‍රික්‌කයක්‌a වොට්‌ 750 සිට 1000 ක්‌ අතර විදුලි පරිපථය හා සම්බන්ධ කළ විට ආරම්භයේදී රත්වීම සඳහා ලබා ගනියි. විදුලි ධාරිතාව එහි සඳහන් කර ඇති උපරිමය ලබා ගනියි. ඉස්‌ත්‍රික්‌කයකින් රත්වන විට එහි විදුලිය වැයවීම ක්‍රමයෙන් අඩුවෙයි. මේ නිසා ඔබට මැදීමට තිබෙන රෙදි එකවර මැද ගැනීම විදුලි පරිභෝජනය අතින් වඩාත් වැදගත්ය. හැමවිටම රෙදි මැදීමේදී දින කිහිපයක්‌ සඳහා එකවර රෙදි මැද ගැනීම සුදුසුය. එය ඔබේ විදුලි බල අඩුකරගැනීමට මඟක්‌ද වෙයි.

වොට්‌ 1000 ක්‌ විදුලි ඉස්‌ත්‍රික්‌කයක්‌ විනාඩි 05 ක්‌ ඇතුළතදී රෙදි මදින නිවසක ඒ සඳහා විදුලි ඒකක 6-8 අතර ප්‍රමාණයක්‌ මාසයකට විදුලි බිලට එකතුවෙයි. දින කිහිපයක්‌ රෙදි එකවර මැද ගැනීමෙන් මෙම විදුලි ඒකක ප්‍රමාණය අවම කර ගත හැකිය.

සමහර විදුලි පාරිභෝගිකයන් තෙත රෙදි මැදීමට පුරුදුව සිටියි. මේ නිසා රෙදි මැදීමට මෙන්ම ජලය ඉවත් කිරීමටද සිදුවන බැවින් අමතර විදුලියක්‌ වැයවේ. මෙය ඉතාම අකාර්යක්‌ෂම විදුලි පාරිභෝජනයකි.

එමෙන් ම රෙදි මදින විට රත්වූ ඉස්‌ත්‍රික්‌කය කිසිදු පෘෂ්ඨයක්‌ මත නොගැටෙන පරිදි කෙලින් අතට සිටුවා තැබීමෙන් තාප හානිය වළක්‌වා ගත හැකිය.

රෙදි මැදීම ආරම්භයේදී බර රෙදි මැදීම මුලින්ම කළ යුතුය. ඉස්‌ත්‍රික්‌කයේ උෂ්ණත්වය පාලනය ඉහළ අතට හරවා මුලින් බර රෙදි මැද ඉන්පසු උෂ්ණත්ව පාලකය අඩු අතට කරකවමින් සැහැල්ලු ඇඳුම් මැදීම අවසානයට කිරීම වඩා කාර්යක්‌ෂමව බව මතක තබා ගන්න.

බොහෝ විට කාර්ය බහුලත්වය නිසා ඇතැමෙකුට රෙදි මැදීමෙන් පසු විදුලි ඉස්‌ත්‍රික්‌කය ක්‍රියා විරහිත කිරීමට අමතක වෙනවා. එය විදුලිය අපතේ යාමට මෙන්ම හදිසි අනතුරකට අත වැනීමක්‌ද වෙනවා.

මීට විසඳුමක්‌ ලෙස මොරටුව විශ්වවිද්‍යාලය මැදීමට භාවිත කළ හැකි නවතම රෙදි මදින මේසයක්‌ හඳුන්වා දී ඇත. එහි විශේෂත්වය වන්නේ එම මේසය මත කිසියම් සෙලවීමක්‌ සිදුනොවී විනාඩි 03 ක්‌ පැවතිවිට ස්‌වයංක්‍රියව මේසය මත ඇති විදුලි ඉස්‌ත්‍රික්‌කයට සැපයෙන විදුලිය විසන්ධි වේ. මෙමඟින් විදුලි බල කාර්යක්‌ෂමතාවයට පමණක්‌ නොව උදෑසන කාර්ය බහුලත්වය නිසා රෙදි මැද ඉස්‌ත්‍රික්‌කය එසේ තිබියදී යාමෙන් සිදුවිය හැකි අනතුරු වළක්‌වා ගැනීමටද හැකිවෙයි.

විදුලි ඉස්‌ත්‍රික්‌කයක්‌ භාවිත කරන ඔබ මෙවන් ක්‍රම සහ විධි පිළිබඳව අවධානයෙන් යොමු කිරීමෙන් ඔබේ මාසික විදුලි බිල යම් තරමකට අඩුකර ගත හැකියි.


චමින්ද ලියනගේ
ජ්‍යෙෂ්ඨ විධායක (නිපුනතා ප්‍රවර්ධන)
සුනිත්‍ය බලශක්‌ති අධිකාරිය

Importent Values In Life ඔබ අර්ථවත් දිවියක්‌ ගත කරන්නේද?

පෞරුෂ සම්පන්න බව යනු අර්ථවත්ව ජීවත්වීමයි. ඔබගේ පෞරුෂවත් දිවිය අර්ථවත් කරගැනීමට ඔබ ඔබේ ජීවිතයට වටිනාකම් එක්‌කරගත යුතුවේ. ඔබ, තුළ ඇති වටිනාකම් හඳුනාගෙන එම වටිනාකම් වර්ධනය කරගැනීම තුළින් ඔබට ඔබගේ ජීවිතය අර්ථවත් කරගැනීම පහසු වේ. මෙලොව වෙසෙන මනුෂ්‍ය හා සත්ව යන දෙකොට්‌ඨාසය වෙන්වන්නේ මෙම වටිනාකම් සීමාවෙනි. මෙම වටිනාකම් කිසිවෙකුට ඉගැන්විය හෝ කිසිවෙකුට කා වැද්දිය නොහැක. ඒවා ඔබ තුළ ම හටගත යුතු වේ. වටිනාකම් ඇතැම් විට ඔබට පමණක්‌ නොව ඔබ අවට සිටින අනෙක්‌ පුද්ගලයන්ගේද හිත සුව පිණිස වේ. එබැවින් ඔබ මෙම ලිපිය මඟින් ඔබගේ දිවියේ වටිනාකම් හඳුනාගෙන ඔබගේ දිවිය අර්ථවත් කරගන්න.

අවංක බව

අවංක බව ජීවිතයේ වඩාත් ම වැදගත් වටිනාකම ලෙස හඳුන්වා දිය හැක. ජීවිතයේ අනෙක්‌ වටිනාකම් සඳහා අඩිතාලම වන්නේද මෙම අවංකභාවය යි. අවංක භාවය යනු අනෙක්‌ පුද්ගලයන්ගේත් අතපසු වීම් සහ වැරදීම් සෙවීම පමණක්‌ නොවේ. අවංක භාවය යනු තබන සෑම පියවරක්‌ ම අතපසුවීම් හා වැරදීම් මඟහැරීමයි. ඔබගේ සාර්ථකත්වය රඳා පවතින්නේද ඔබගේ හා ඔබ අවට පුද්ගලයන්ගේ අවංකභාවය මතයි.

දයානුකම්පාව

අනුකම්පාව යනු මිල මුදල් රහිත පුද්ගලයෙකුට හෝ පවුලකට මුදලින් උදව් උපකාර කිරීම පමණක්‌ම නොවේ. ඔබට සතයකුදු නොමැතිව අන්අය කෙරෙහි දයානුකම්පාව දැක්‌විය හැකිය. ඔවුන්ගේ අවශ්‍යතාවන් සඳහා මුදල් උපකාර කිරීම මෙන්ම ඔවුන් වෙනුවෙන් ඔබගේ කාලය, ශක්‌තිය, වැයකිරීමෙන්ද ඔබට දයානුකම්පාව දැක්‌විය හැක. පෞරුෂ සම්පන්න ඔබද මෙම වටිනාකම ඔබේ දිවියට එක්‌කරගැනීම තුළින් පෙරලා ඔබද අන් අයගේ උදව් උපකාර වලට පාත්‍ර වනු ඇත.

විනය

පෞරුෂ සම්පන්න බවින් යුක්‌තව සමාජයේ හැසිරෙන ඔබට අනෙක්‌ පුද්ගලයන් ගෞරව කිරීම ඉතාමත් වැදගත්වේ. ඔබ අන් අයට ගරු නොකරන්නේ නම් අන් අයගේ ගෞරවය ඔබට නොලැබෙන අතර ඔවුන්ගේ ගැරහුමට ඔබ ලක්‌වනු ඇත.
මෙපරිදි ඔබ, ඔබ තුළ පවතින වටිනාකම් හඳුනාගෙන ඒවා වර්ධනය කරගැනීම තුළින් යහපත් ගුණගරුක සමාජය ගොඩනැංවීමට දායක වන අතරම ඔබගේ පෞරුෂය වඩ වඩාත් ඔප්නංවා ගැනීමටද හැකිවේ.

බබෙක්‌ ලැබෙන්න ඉන්න මවකගේ පෝෂණය

ගැබිනි සමයේ පෝෂණය සම්බන්ධව කාන්තාවක්‌ දැනුවත් වියයුතු කාරණා ගණනාවක්‌ ඇත. ඉන් විටමින් ඌණතාවය නිසා ඇතිවන නීරක්‌තිය කාන්තාවන් අතර බහුල තත්ත්වයකි. ගර්භනි අවධියේ දී මෙම තත්ත්වය ඉතා බහුලය. ලංකාවේ ගර්භනි මව්වරුන් තිදෙනෙකු අතරින් එක්‌ අයෙක්‌ නීරක්‌තියෙන් පෙළෙන බව දැනට ගණන් බලා ඇත. නීරක්‌තිය හෙවත් ලේ මඳකම ඇතිවීමට හේතු කීපයක්‌ බලපායි. මේ අතුරින් යකඩ ඌණතාවය වැදගත්ම හේතුවකි. යකඩ අඩංගු ආහාර කෑමට ගැනීමෙන් යකඩ ශරිරයට අවශෝෂණය කර ගැනීම සිදුවේ. යකඩ පදාර්ථ අතුරින් "හීම්" නැමැති යකඩ විශේෂය පහසුවෙන් ශරීරයට අවශෝෂණය වේ. මස්‌ සහ මාළු වර්ගවල මෙම යකඩ විශේෂය බහුලව ඇත. තවද, ආහාර ගැනීමේදී සහ පිළියෙල කිරීමේදී සිදු වන අඩුපාඩු නිසා බොහෝ විට ආහාර වල පෝෂණ ගුණය විනාශ වී යයි. ආහාරවල අඩංගු යකඩ පදාර්ථ අවශෝෂණය කරගැනීම පහසු කරන ආහාර වර්ග ද ඇත. එනම් විටමින් සහිත ආහාර (vitamin C) පලතුරු වර්ග, සමහර ධාන්‍ය වර්ග යකඩ උරාගැනීම පහසු කරන අතර ඒවා යකඩ සහිත ආහාරත් සමග කෑමට ගැනීම වඩාත් යෝග්‍යයි. යකඩ උරාගැනිමේ ක්‍රියාවලියට බාධා කරන ආහාර වර්ග තේ, කෝපි, කිරි වැනි පානයන් යකඩ උරාගැනිම අඩු කරන බැවින් ආහාර ගැනීමෙන් පැය 1-2 ක්‌ පමණ පසු වන තෙක්‌ මේවා ගැනීම නුසුදුසුයි. එනම් ආහාර ගැනීමට ආසන්නවම හෝ ආහාර ගැනිමත් සමඟම තේ, කෝපි වැනි පානයන් ගැනිමෙන් ආහාරයේ ඇති පෝෂ්‍ය ගුණය ශරීරයට නොලැබී යයි. ගර්භනි සමයේ දීම මෙන්ම ගැබ් ගැනීමට සූදානම් වන කාලයේදී නිසියාකාර පෝෂ්‍ය ගුණයෙන් යුත් ආහාර ගැනීමෙන් නීරක්‌තිය වළකාගත හැක. මස්‌, මාළු සහ පලා වර්ග වැනි ආහාර සෑම ආහාර වේලකටම එකතු කර ගැනීම මෙම අවධියේදී සුදුසු වේ.

නීරක්‌තිය ඇති වීමට තවත් හේතු

කොකු පණු රෝගය එක්‌ හේතුවකි. ඒ මගින් ශරීරයේ ලේ අඩු වන අතර මේ හැර කාන්තාවන්ගේ මාස්‌ පතා සිදුවන ඔසප් වීම සමඟ රුධිරය පිට වීමෙන් ශරීරයේ ලේ අඩු කම ඇති විය හැක. අර්ශස්‌ රෝගය මඟිssන්ද ශරීරයේ රුධිරය පිටවීම සිදුවේ. මෙම තත්ත්වයද දිගින් දිගටම ඇතිවන විට නීරක්‌තිය නම් තත්ත්වය ඇති විය හැක. ගැබ් ගැනීමට සූදානම් වන කාන්තාව විශේෂයෙන්ම ශරීරයේ රුධිර ප්‍රමාණය ගැන සැළකිලිමත් විය යුතුයි. ගැබ් ගැනීමත් සමඟම ශරීරයට අවශ්‍ය යකඩ ප්‍රමාණය ඉහළ යාමක්‌ සිදුවේ. මීට හේතුව මවගේ අවශ්‍යතාවයන්ද එකතු වීමයි. ආසන්න සිමාවන් තුළදී ගැබ් ගැනීම් සිදුවන විට ශරීරයේ ඇති ගබඩා කරන ලද පෝෂ්‍ය කොටස්‌ මට්‌ටම අඩු වී යයි. මෙවිට මවට සහ මව තුළ වැඩෙන ළදරුවාට අවශ්‍ය ප්‍රමාණයට පෝෂණය නොලැබී යයි. කලලයේ වර්ධනය බාල වේ. මෙවන් අවස්‌ථාවල දරුවාගේ උපත් බර අඩු වේ. ළදරු මරණ සිදුවීමටද මෙය හේතු විය හැක. තවද මවට දරු ප්‍රසූතියත් සමඟ ඇති වන රුධිර වහනය දරාගත නොහැකි වියහැක.

ඉහත හේතූන් නිසා ගර්භනි සමයේ දී නීරක්‌තිය ඇතිවීම වළක්‌වා ගැනීමට සුදුසු සියළු දෑ කළ යුතුයි. එනම් දරුවන් අතර පරතරයක්‌ පවතින අන්දමින් ගැබ් ගැනීම් පාලනය කළ යුතුයි. මේ සඳහා සුදුසු උපත් පාලන ක්‍රම භාවිත කළ යුතුයි. ආහාර ගැනීමේදී සහ පිළියෙළ කිරීමේදී පෝෂණය පිළිබඳව අවබෝධයක්‌ ඇතිව එය කළ යුතුයි. ගැබ් ගැනීමක්‌ සිදු වූ වග දැනගත් විගසම සායනයට ඇතුළු වී නිසි පරීක්‌ෂණ වලට සහභාගි විය යුතුයි. ඒ මඟින් ලේ මඳකමක්‌ ඇත්නම් මුලින් ම හඳුනාගත හැක. යකඩ අඩංගු පෙති ගර්භණී සායනයෙන් නොමිලේ ලබාදෙන අතර මේවා ඉතා අඩු මිලකට පිටතින්ද ලබාගත හැක. මෙම පෙති භාවිතයේ දී ද ආහාර ගැනීමෙන් අනතුරුව තේ, කෝපි වැනි අමතර පානවර්ග නොබොන අවස්‌ථාවක ගත යුතුයි. වඩාත් සුදුසු වන්නේ සවස 6-7 ත් අතර කාලයයි. නීරක්‌තියට ප්‍රතිකාර කරන විට යකඩ වලට අමතරව ෆොලික්‌ අම්ලය, විටමින් ඊ12 යනාදි විටමින් වර්ගද ලබාගත යුතුයි. ෆොaලික්‌ අම්ලය යනු විටමිනයකට සමාන රසායන ද්‍රව්‍යයකි. මෙය මවක්‌ තුළ වැඩෙන දරුවාට සහ දරුවකු දරා සිටින මවට අත්‍යාවශ්‍යම ඖෂධයකි. ළදරු කලලයක්‌ මව තුළ වැඩෙන විට එයට අවශ්‍ය පෝෂණය මවගෙන් උරාගැනීම සාමාන්‍ය තත්ත්වයයි. නමුත් මව තුළ යම් යම් ඌණතාවයන් ඇති විට කලලයට අවශ්‍ය ප්‍රමාණයකට මේවා ලැබෙන්නේ නැත. ළදරු කලලයක ස්‌නායු පද්ධතිය වැඩීම සිදු වන්නේ මුල් දින 20 තුළදීය.

බොහෝ විට මව්වරුන් ගැබ් ගැනීමක්‌ ගැන සැක ඇති කර ගන්නේ ඔසප් වීම පමා වූ විටය. තවත් සති 2 කට පමණ පසු මුත්‍රා පරීක්‌ෂා කිරීමෙන් මෙය තහවුරු කර ගැනීම ඔවුන්ගේ සිරිතය. කණගාටුදායක තත්ත්වය වන්නේ මේ වනවිට කළලයේ දින 20 පසු වී තිබීමය. ෆොලික්‌ අම්ලය පටන් ගැනීමට මේ වන විට පමා වැඩිය. මවගේ ශරීරයේ ෆොලික්‌ අම්ලයේ ඌණතාවක්‌ නොමැති නම් කලලයේ වැඩීමට බාධාවක්‌ නැත. නමුත් මවට ෆොලික්‌ අම්ල ඌණතාවයක්‌ තිබුණහොත් එය මෙම වැඩෙන කලලයට බලපෑමෙන් ස්‌නායු පද්ධතියේ වැඩීම බාල වේ. මෙහිදී එම tube defects නමින් හැඳින්වෙන හිස්‌ කබල සහ කශේරු පද්ධතියේ දුර්වල තත්ත්වයන් ඇතිවිය හැක. මීට අමතරව මොළයේ සහ අනෙක්‌ අවයව වල වර්ධනය ඇණ හිටීමෙන් දරුවා මරණයට පත්වීමට පවා ඉඩ පවතී.

කශේරු පද්ධතියේ ගැටලු ඇති වීමෙන් සුෂුම්නාවේ කොටස්‌ පිටතට පැමිණිය හැක. දරුණුම තත්ත්වයන් යටතේ දරුවාගේ හිස්‌කබලේ වර්ධනය සම්පූර්ණයෙන්ම ඇණහිට තිබිය හැක. මීට අමතරව ෆොලික්‌ අම්ලය මවගේ ශරීරයටද මෙම අවධියේදී අත්‍යාවශ්‍යය. වේගයෙන් වැඩෙන සෛල රතු රුධිර සෛල සහ සුදු රුධිර සෛලවල ක්‍රියාකාරිත්වයට මෙම ෆොලික්‌ අම්ලය අවශ්‍ය වේ. ෆොලික්‌ අම්ල බහුලව පවතින ආහාර වන්නේ එළවළු සහ පලා වර්ගය ෆොලික්‌ අම්ලය මෙම එළවළු හා පලා වර්ග සේදීමේදීත් තදින් තැම්බීමේදී විනාශ විය හැක. එබැවින් එළවළු සහ පලා වර්ග කැපීමට පෙර සේදීම කළ යුතුය. අවශ්‍ය ප්‍රමාණයට පමණක්‌ තැම්බීම කළ යුතුය. සලාද ලෙස ආහාරයට ගැනීමෙන් පෝෂණය වැඩි කර ගත හැක. කෙසේ වෙතත් පහසුම සහ සුදුසුම ක්‍රමය වන්නේ ශරීරයට අවශ්‍ය ෆොලික්‌ අම්ල ප්‍රමාණය පෙති වශයෙන් ගැනීමයි. ෆොaලික්‌ අම්ල ඕනෑම ඖෂධ ශාලාවකින් වෛද්‍යවරයෙකුගේ සටහනක්‌ නොමැතිව වුවද ලබාගත හැක. කලලයේ ස්‌නායු පද්ධතියේ වර්ධනයට ෆොලික්‌ අම්ලය අවශ්‍ය වන නමුත් වෙනත් ජානමය හෝ පාරිසරික හේතූන් මත ස්‌නායු ආබාධ ඇති වන අවස්‌ථා ද ඇත. සමහර ඖෂධ වර්ග ගැනීමෙන් නීරක්‌තියට තුඩු දෙන තත්ත්වයන් ඇතිවිය හැක. යම් ඖෂධ වර්ගයක්‌ දිගුකලක්‌ භාවිතවන්නේ නම් ඒ පිළිබඳ වෛද්‍ය උපදෙස්‌ ලබාගත යුතුය.


වෛද්‍ය
චම්පා නෙල්සන්

දෙලූයි - බල මාළුයි චුට්‌ටක්‌ කෑවාට කිසිම ගිනියමක්‌ නෑ"

රාජකීය පණ්‌ඩිත විලියම් අල්විස්‌ සූරින් ඉස්‌සර කී කතාවක්‌

"මොනාද දවල්ට කෑවේ?"

"දෙලුයි, බල මාළුයි, බතුයි"

"හොඳට හිටිවී.. ඒ දෙකම හරිම ගිනියම් කෑමනේ ළමයෝ.. "

බොහෝ දෙනෙක්‌ එසේ කියති.

එහෙත් ඒ ගැන දිවංගත රාජකීය පණ්‌ඩිත විලියම් අල්විස්‌ සූරීන් ඉස්‌සර කීවේ මෙවන් කතාවක්‌.

"පිටි බහුල ආහාරයක්‌ වන දෙල් තරමක්‌ උෂ්ණ ගුණයෙන් යුත් බව සැබෑය. එහෙත් එය සීමාවක්‌ ඇතිව කෑවොත් අගුණනොවේ. දෙල් උෂ්ණාධිකය යන මතයට කෙලින්ම එකඟ විය නොහැකිය. උෂ්ණ ගුණය ඇති බොහෝ දේ පෝෂණීය ගුණය සහිත බවද පිළිගත යුතුය. කුෂ්ඨ රෝග, අමිල පිත්ත යන රෝග ඇති අයට දෙල් වැඩිපුර කෑම අගුණයි. මේ පීඩා නැති අයට දෙල් කෑම අගුණ නොවේ. පිටි බහුල නිසා දියවැඩියා රෝගීන්ටද ඒ අහිතයි." (එළවළු ගුණ ග්‍රන්ථයෙනි)

මේ ලියන මා සමග දිනක්‌ කථාවට වැටී සිටි විලියම් අල්විස්‌ සූරින්ගෙන් මා මේ ගැන ඉස්‌සර දවසක විමසූ විට එතුමා කීවේ මෙසේය.

"දෙල් කනවා කිව්වාම, මිනිහෙක්‌ හැමදාම හැම තිස්‌සේම දෙල් කන්නේ නැහැනේ. බල මාළු කෑමත් එහෙමනේ. අනිත් එක, මිනිහෙක්‌ එක වේලකට දෙල් ගෙඩියක දෙල් කනවාද? බලමාළුත් එහෙමනේ. මිනිහෙක්‌ බලමාළු ග්‍රෑම් 500 ක්‌ එක වේලකට කනවද? අඩු ගණනේ මාළු කෑලි තුන හතරක්‌වත් කන්නේ නැහැනේ. ඉතින් ඉඳලා හිටලා කෑම වේලකට බල මාළු කෑල්ලක්‌, දෙල්කෑලි දෙකතුනක්‌ කෑවා කියා මුකුත් වෙන්නේ නැහැ."

කොහිල වඩේ

අවශ්‍ය ද්‍රව්‍ය

කොහිල අල (සිහින්ව දික්‌ අතට කපාගත්) ග්‍රෑම් 250

පාන්පිටි ග්‍රෑම් 50

බිත්තර සුදුමද 01

ලොකු ළුEනු (සිහින්ව කපාගත්) ගෙඩි 01

අමු මිරිස්‌ (සිහින්ව කපාගත්) කරල් 03

කරපිංචා (සිහින්ව කපාගත්) මේස හැඳි 02

මිරිස්‌ කුඩු මේස හැඳි 01

ලුණු කුඩු තේ හැඳි 01

වතුර කෝප්ප 1/4

බැදගැනීමට තෙල් බෝතල් 1/2

සාදන ක්‍රමය

1. භාජනයක්‌ ගෙන සිහින්ව කපාගත් කොහිල අල, බිත්තර සුදුමද, පාන්පිටි, වතුර සමඟ අනෙකුත් සියළු දේ දමා හොඳින් කලවම් කර තලපයක්‌ සේ සාදාගන්න.

2. තලපයෙන් කුඩා බෝල සාදා පරිප්පු වඩේ ආකාරයට සකසාගෙන ගැඹුරු තෙලේ බැදගන්න.

වැටකොලු පොතු තෙම්පරාදුව

අවශ්‍ය ද්‍රව්‍ය

වැටකොලු පොතු ග්‍රෑම් 250

පොඩි හාල්මැස්‌සන් ග්‍රෑම් 50

අමු මිරිස්‌ කරල් 03

ලොකු ළුEනුq තරමක ගෙඩි 02

සුදුළුEනු බික්‌ 04

තක්‌කාලි මේස හැඳි 01

කෑලි මිරිස්‌ මේස හැඳි 02

කරපිංචා මේස හැඳි 01

තෙල් මේස හැඳි 04

කහ කුඩු තේ හැඳි 1/4

ලුණු තේ හැඳි 1/2

සාදන ක්‍රමය

1. වැටකොලු පොතු සෝදා සිහින්ව ලියාගන්න

2. භාජනයකට තෙල් දමා රත් කරගන්න.

3. පිරිසිදු කරගත් හාල්මැස්‌සන් සමඟ සිහින්ව කපාගත් කරපිංචා, ළුEනු, අමුමිරිස්‌, සුදුළුEනු එකතු කර තෙම්පරාදු කරගන්න.

4. පසුව එයට වැටකොලු පොතු සහ තක්‌කාලි දමා කලවම් කර ලුණු, කහ, කෑලි මිරිස්‌ මිශ්‍රකර සුළු වේලාවක්‌ පිසගන්න.

අලිගැටපේර දළු මැල්ලුම



අවශ්‍ය ද්‍රව්‍ය

අලිගැටපේර දළු ග්‍රෑම් 200

රතුළුEනු ගෙඩි 05

අමුමිරිස්‌ කරල් 03

ගාගත් පොල් කෝප්ප 1/2

දෙහි යුෂ තේ හැඳි 01

ලුණු තේ හැඳි 1/2

සාදන ක්‍රමය

1. අලිගැටපේර දළු සිහින්ව ලියාගන්න.

2. රතුළුEනු සහ අමුමිරිස්‌ සිහින්ව කපාගන්න.

3. භාජනයක්‌ ගෙන අලිගැටපේර දළු, රතුළුEනු , අමුමිරිස්‌, ගාගත් පොල් දමා හොඳින් කලවම් කරගන්න.

4. එය ලිප තබා ලුණු සහ දෙහි දමා පැහැය වෙනස්‌ නොවන සේ සුළු වේලාවක්‌ මලවාගන්න.

හකුරු පුඩිම

අවශ්‍ය ද්‍රව්‍යය

කිතුල් හකුරු ග්‍රෑම් 250 යි

මිටි කිරි තේ කෝප්ප 02 යි

ලුණු ස්‌වල්පයක්‌

සුවඳකුඩු තේ හැඳි 1/2 යි

ප්ලම්ස්‌ ග්‍රෑම් 50 යි

කජු ග්‍රෑම් 50 යි

ගා ගත් පොල් ග්‍රෑම් 100 යි

ජෙලටින් තේ හැඳි 04 ක්‌

සාදන ක්‍රමය

සිහින් වෙන්නට ගා ගත් හකුරුවලට පොල් කිරි මිශ්‍ර කර ළිප තබා උණු කරන්න. එයට ලුණු ස්‌වල්පයක්‌ මිශ්‍රකර ගන්න. පසුව උණු වතුර තේ කෝප්ප බාගයකින් දියකර ගත් ජෙලටින් හා සුවඳකුඩු ලිපෙන් බාගත් හකුරු මිශ්‍රණයට එකතු කර ඇල්දියෙන් සෝදාගත් වීදුරු බඳුනකට දමා ශීතකරණයේ තබන්න.

හකුරු පුඩිම සෙට්‌ වූ පසු එයට ප්ලම්ස්‌, කජු හා රන්වන් පාටට කබලේ බැදගත් පොල්දමා සරසා ගන්න

පෑන් කේක්‌

අවශ්යක ද්ර ව්ය‍

පාන් පිටි (හලා ගත් ) ග්රෑ ම් 300

බිත්තර 2

නැවුම් කිරි අඬු කොප්ප 3

තෙල් මේස හැඳි 3

ලුණු තේ හැඳි 1/2

බටර් මේස හැඳි 1 1/2

පැණි පොල් මිශ්රහණයට

ගා ගත් පොල් ග්රෑ1ම් 250

පැණි අඩු කෝප්ප 1

කුඩු කරගත් කරඳමුංගු හා කරාබුනැටි තේ හැඳි තේ හැඳි 1/4

සාදන ක්රතමය

01. පිටි, බිත්තර, බටර්, කිරි සහ ලුණු සමඟින් දියාරු මිශ්රසණයක්‌ සකසා ගන්න.

02. භාජනයක්‌ ලිප තබා පැණි දමා පැණි පොල් මිශ්රකණයට අවශ්ය් ද්රශව්යර සියල්ල කලවම් කර සුළු වේලාවක්‌ පිසගන්න.

03. පැතලි සාස්‌පානක්‌ (සෝස්‌ පෑන්) ලිප තබා පිටි මිශ්ර්ණයෙන් ටික ටික එකතු කර රවුම් කර පිටි දවටනය සාදාගන්න.

04. පොල් පැණි මිශ්රකණයෙන් ටික ටික ගෙන මැදට තබා රවුම්කර පෑන් කේක්‌ සකසා ගන්න.

බිස්‌කට්‌ පුඩිං

අවශ්යර ද්රපව්යප

බටර් (ලුණු නැති) ග්රෑයම් 600

මිල්ක්‌ මේඩ් ග්රෑුම් 350

මාරි බිස්‌කට්‌ ග්රෑරම් 250

කොකෝ පවුඩර් ග්රෑකම් 70

කල්කිරි මිලි ලීටර් 500

නෙස්‌කැෆේ තේ හැඳි 2

සාදන ක්‍රමය

01. බටර් හොඳින් දියවෙන්න තබන්න. එයට මිල්ක්‌ මේඩ් ටිකින් ටික දමා කලවම් කරන්න. පසුව කොකෝ පවුඩර් එකතු කරන්න.

02. නෙස්‌කැෆේ උණු වතුරෙන් දියකර නිවෙන්න තබන්න. භාජනයකට කල්කිරි දමා නෙස්‌කැෆේ එකතු කර දිය කරගන්න.

03. මාරි බිස්‌කට්‌ ගෙන කිරි මත පොඟවා ගෙන තැටියක අතුරා ගන්න. එය මත සාදාගත් ක්රීුම් එක තවරා ගන්න.

04. එලෙස තට්‌ටු 6 ක්‌ තවරා ගන්න.

05. ශීතකරණයක පැය 2 ක්‌ පමණ තබා අතුරුපසක්‌ ලෙස ආහාරයට ගන්න.

පෘටි ට්රතයිෆල්

අවශ්යට ද්රයව්ය

බටර් කේක්‌ ග්රෑරම් 200

සීනි ග්රෑිම් 150

පලතුරු කැබලි ග්රෑෑම් 200

ජෑම් ග්රෑබම් 50

කස්‌ටර්ඩ් ග්රෑරම් 40

කිරි මිලිලීටර් 500

ජෙලි පැකට්‌ 1

වතුර අඬු කෝප්ප (උණු කරගත්) 2



සාදන ක්ර මය

01. බටර් කේක්‌ මතට ජෑම් ගා කොටු ආකාරයට කැබලි කපාගන්න.

02. වීදුරු බඳුනකට අතුරා එය මතට පලතුරු කැබලි එකතු කරගන්න.

03. භාජනයක්‌ ලිප තබා කිරි සහ සීනි දමා හැඳි ගා උතුරවා එයට කස්‌ටඩ් පවුඩර් එකතු කර ලිපෙන් බාගන්න.

04. සාදාගත් මිශ්ර ණය කේක්‌ මතට අතුරා ගන්න. (හොඳින් කේක්‌ වැසෙන සේ)

05. හොඳින් නිවෙන තුරු ශීතකරණයක තබා ගන්න.

06. උණු කරගත් ජලයට ජෙලි එකතු කර හොඳින් දියකරගන්න. නිවෙන්න තබන්න.

07. නිවුණු පසු සාදාගත් ෆDDට්‌ එක මතට ජෙලි එකතු කර පැය 2 ක්‌ පමණ ශීතකරණයක තබා පිළිගන්වන්න.

තමාට කැමති පරිදි පළතුරු හෝ චීප් ක්රී ම් එකතුකර අලංකාර කරගත හැක.

චොකලට්‌ මූස්‌

අවශ්ය් ද්රජව්ය‌

කුකින් චොකලට්‌ ග්රෑ‌ම් 375

බටර් (ලුණු නැති) ග්රෑරම් 125

සීනි ග්රෑකම් 125

චීප් ක්රීකම් ග්රෑ2ම් 600

බිත්තර කහ මද 12

බිත්තර සුදු මද 1

වතුර අඬු කෝප්ප 1

සාදන ක්ර මය

01. භාජනයක්‌ ලිප තබා වතුර 1/4 ක්‌ පමණ පුරවා උතුරවා ගන්න.

02. කුඩා භාජනයකට චොකලට්‌ සහ බටර් දමා මිශ්ර් කර උතුරන වතුරෙහි එම භාජනය තබා චොකලට්‌ සහ බටර් දිය කරගන්න. (ඩබල් බොයිල් ආකාරයට)

03. නැවත භාජනයක්‌ ලිප තබා වතුර සමඟ සීනි දමා දියකරගන්න. නිවෙන්න ඉඩ හරින්න.

04. බිත්තර භාජනයකට දමා හොඳින් ගසා දියකරගත් සීනි එකතුකර නැවත කලවම් කරගන්න.

05. චිප් ක්රීජම් හොඳින් ගසා ගන්න.

06. මිශ්රකණ සියල්ල එකට එකතුකර වීදුරු භාජනයකට දමන්න.

07. චොකලට්‌ සූරා උඩින් දමා අලංකාර කරගන්න. ශීතකරණයක තබා ආහාරයට ගන්න.

වටලප්පන්

අවශ්යප ද්රලව්යි

හකුරු (සිහින්ව කපාගත්) ග්රෑම් 750

බිත්තර 10

මිටිකිරි කෝප්ප 2

කජු පියලි මේස හැඳි 2

සාදික්‌කා කුඩු තේ හැඳි 1

වතුර මිලිලීටර් 400

සාදන ක්රිමය

01. භාජනයක්‌ ලිප තබා ජලය සහ හකුරු එකතු කර හොඳින් දිය කරගන්න.

02. ලිපෙන් බා එසැනින් කිරි කෝප්ප 2 එකතු කර නිවෙන්න තබන්න.

03. බිත්තර වෙනම භාජනයකට දමා හකුරු සමඟ නැවත කලවම් කරන්න.

04. මිශ්රරකර ගත් හකුරු මිශ්රමණය පෙරා සාදික්‌කා එකතුකර තැටියකට අතුරා ගන්න.

05. තරමක විශාල භාජනයකට වතුර 1/4 ක්‌ පුරවා වටලප්පන් තැටිය එයට බහා හුමාලයේ තම්බාගන්න. (ඩබල් බොයිල් ආකාරයට)

මේ අවුරුද්දේ හිත පිරෙන්න කන්න

පබ්ලිස්‌ සිල්වා ඉදිරිපත් කරයි

ළඟම එන්නේ අප්‍රේල් මාසේ. ඒ කියන්නේ සිංහල හින්දු අලුත් අවුරුද්ද. ලංකාවේ කවුරුත් හොඳට කාලා බීලා සතුටින් ඉන්න කාලේ. මේ සතුටට ස්‌වභාව ධර්මය පුදුම විදිහට අපට සම්පත් සපයනවා.

කජු පුහුලන් කන්න ලැබෙන්නේ මේ අවුරුදු කාලෙදි. කජු පුහුලන් කියන්නේ ඉතාම හොඳ ගුණ කෑමක්‌. ඒත් අපේ අය මේවා කන්නේ නෑ. අවුරුද්දකට වතාවක්‌වත් කන්න ලැබෙන කෑම කන්නේ නෑ.

අවුරුදු කාලෙදිවත් ගෙදර අයට අපේ දේ ගැන හඳුන්වා දෙන්න. කෑම බීම අපට ගැලපෙන විදියට අපේ දේවලින් හදන්න.

කජු පුහුලන්, ජම්බු, පැල මද මේ දේවල් එකතු කරලා රසවත් කෑම හදන්න පුළුවන්. ඒ වගේම කැවුම්, කොකිස්‌ දරුවන්ට හදලා දෙන්න.

හුඟ දෙනෙක්‌ මේ තෙල් කෑමවලට බයයි. කැවුමක්‌, අතිරසයක්‌, කොකිසක්‌, අග්ගලයක්‌ මුං කැවුමක්‌ කෑවේ නැත්නම් ඒ අවුරුද්දෙන් වැඩක්‌ තියෙනවද? දරුවන්ටත් තහංචි දානවා. "හා හා ඕවයේ තෙල්, සීනි වැඩියි කන්න එපා" කියනවා. තෙල්, සීනි තිබුණට කමක්‌ නෑ කන්න.

දේශිය කෑමවල හොඳ සමබරතාවයක්‌ තියෙනවා. තෙල්, සීනි වැඩි කෑමත් එක්‌ක අපි ඒවා අඩු කරන කෑමත් කන්න ඕන. අපි කරන්නේ සීනි, තෙල් කෑම කාලා නිකම් ඉන්න එක. එහෙම කළහම ප්‍රශ්නයක්‌ තමයි. අපි ඕන තරම් කියලා තියෙනවා ගොරකා උයලා කන්න කියලා. කරපිංචා දළු සම්බෝල, කරපිංචා කැඳ මේවා අහන්නේ නෑ.

ඒ හින්දා අද මම ඔබට මෙහෙම කියනවා. මේ අවුරුද්දේ ඔබ හිතේ හැටියට කන්න. ඒ එක්‌කම අපි මේ ඉදිරිපත් කරන කෑම, බීමත් ඒ විදියටම ගන්න. නැතිව හොඳට කාලා හිටියොත් නම් ඵලක්‌ වෙන්නේ නෑ.

ගොරකා මාළුව

අවශ්‍ය ද්‍රව්‍ය

වියළි කොරකා ග්‍රෑම් 250

විටට කහ හුණු තේ හැඳි 1/2

රතු ළුEනු ග්‍රෑම් 50

අමු මිරිස්‌ කරල් 2

ලියාගත් කරපිංචා තේ හැඳි 1

සුදු ළුEනු බික්‌ 2 (දෙකට පලා මැද ඉවත් කරන්න)

බැදගත් උළුහාල් තේ හැඳි 1/2

කරි කුඩු තේ හැඳි 1

කහ කුඩු තේ හැඳි 1/2

මිරිස්‌ කුඩු තේ හැඳි 1/2 (කබලේ බදින්න)

උම්බලකඩ තේ හැඳි 1

ලුණු තේ හැඳි 1/2

දිය කිsරි කෝ. 2

මිටි කිරි කෝ. 1/2

සාදන ක්‍රමය

වතුර කෝප්ප 1/2 ට හුණු කලවම් කර ගොරකාවල දවටා පැයක්‌ තබන්න. එය පිරිසිදු ජලයට දමා පස්‌ වරක්‌ සෝදාගන්න. කැබලි කපාගන්න. මිටි කිරි හැර ඉතිරි සියල්ල එකට දමා ලිප තබා උතුරන විට ගින්දර අඩු කර ඉස්‌ම හිඳිගෙන එන විට මිටි කිරි දමා සිඳුවාගන්නත.

කොලෙස්‌ටරෝල්, සීනි අසනීප ඇති අයට මෙය ගුණදායකයි. මාසයකට තුන්වරක්‌ පමණ කෑමට ගන්න. තරබාරු බවින් පීඩා විඳින අයටත් හොඳයි. ස්‌ථුල බව පාලනය කරයි.

අවුරුදු සංග්‍රහයට කැවුම් පුඩිම

අවශ්‍ය ද්‍රව්‍ය

කොණ්‌ඩ කැවුම් 5

කිරි ලීටර් 1/2

පැණි කෝප්ප 1

කස්‌ටඩ් පවුඩර් තේ හැඳි 2

වැනිලා තේ හැඳි 1/2

සාදන ක්‍රමය

කිරි ලිප තබා උතුරන විට ගින්දර නිවා කස්‌ටඩ් පවුඩර් දියකර දමා හොඳින් කලවම් කර පෙරාගන්න. කැවුම් කුඩාවට කපා එයට මිශ්‍ර කර භාජනයකට දමා ශීතකරණයේ තබන්න.

තෙල්, සීනි අඩුකරන්නට ඉදුනු වරකා කොළ බීම

ඉදුනු වරකා කොළ සෝදා පවනේ වේලා අතින් පොඩි කර බෝතලයක අසුරා තබන්න. වතුර උණු කර, කුඩු කරගත් වරකා කොළ තේ හැඳි එකක්‌ දමා තේ තම්බාගන්නා ලෙස වත්කර පානයට ගන්න. දිනකට දෙවරක්‌ පානය කළ යුතුයි.

කොලෙස්‌ටරෝල්, සීනි පාලනයට ඉතාම සුදුසුයි.

නිවසක්‌ සෑදීමේදී සැලකිලිමත් විය යුතු දේ

ගෙබිමක්‌ තෝරාගැනීමේදී සැලකිලිමත් විය යුතු කරුණු

* ඉඩම නිරවුල් ඔප්පු සහිත වීම

* උස්‌ බිමක්‌ විය යුතුය - දිය සීරාව රඳන බිම් නුසුදුසුය.

* අවට පරිසරය - කර්මාන්ත ශාලා, වෙළඳපළ සොහොන් පිට්‌ටනි වගුරු බිම් ආශ්‍රයේ ගෙවල් තැනීම නුසුදුසුය.

* තමන්ගේ ජීවන රටාවට සුදුසු පරිසරයක්‌ විය යුතුය. - මුඩුක්‌කු නිවාස අසල විශාල උසස්‌ ආර්ථික තත්ත්වයේ නිවසක්‌ සෑදීම නුසුදුසුය.

* හැකි තරම් අනාගතයේ දියුණුවීමට ඇති ප්‍රදේශයකින් බිමක්‌ තෝරා ගත යුතුය.

* පහසුකම් හැකිතාක්‌ දුරට ලබා ගත හැකි බිමක්‌ විය යුතුය. උදා - ජල, මාර්ග ප්‍රවාහන, විදුලිය

* ඉඩමේ දිග, පළල හා පිහිටි අත නිවසේ සැලසුමට ගැලපිය යුතුය.

* පලාත් පාලන ආයතනවලින් බලපෑම් ඇති කළ හැකි ඉඩමක්‌ නොවිය යුතුය
උදා - පාරවල් පළල් කිරීම

* ස්‌වභාවික සෞන්දර්ය උපරිමයෙන් භුක්‌ති විඳිය හැකි ඉඩමක්‌ විය යුතුය.

* ගෙබිමට හොඳින් හිරු එළිය හා වාතාශ්‍රය ලැබිය යුතුය.

* වැය කරන මුදලට උපරිම ප්‍රයෝජනයක්‌ ලැබිය හැකි තැනක බිමක්‌ තෝරා ගත යුතුය.

නිවසකට සැලැස්‌මක්‌ නිර්මාණයේදී බලපාන නීතිමය අවශ්‍යතා

* අවම වශයෙන් පර්චස්‌ 6 ක භූමි ප්‍රමාණයක්‌ තිබිය යුතුය.

* නිවසක ජනෙල් දොරවල් යොදන බිත්තියේ සිට යාබද නිවස අවම වශයෙන් අඩි 71/2 ක්‌ වත් ඈතින් පිහිටිය යුතුය.

* නමුත් කෙලවර බිත්තියට ජනෙල් හෝ දොරවල් නොයෙදේ නම් මායිම දක්‌වා බිත්ති දීර්ඝ කළ හැකිවේ.

* මහා මාර්ගයේ සිට පළාත් පාලන ආයතන මඟින් දක්‌වා ඇති දුරින් නිවස පිහිටුවිය යුතුය.

* ගෘහයේ පිටුපස සිට මායිම දක්‌වා අඩි 10 ක දුර ප්‍රමාණයක්‌ වෙන්කොට තැබිය යුතුය

* නිදන කාමරයක ප්‍රමාණය අවම වශයෙන් වර්ග අඩි 120 ක්‌ වත් විය යුතුය.

* කාමරයේ ප්‍රමාණයෙන් 1/7 ක්‌ ජනේල් සඳහා වෙන්කළ යුතුය.

* කාමරවල ප්‍රමාණයෙන් 1/15 ක්‌ දොරවල් සඳහා වෙන් කළ යුතුය

* වහලෙහි උස සිවිලිමේ සිට අඩි 9 1/2 ක්‌ පමණ උසින් පිහිටිය යුතුය.

* ප්‍රාදේශීය සභාවෙන් වීථි රේඛා සහ නොපවරා ගැනීමේ සහතිකයක්‌ ලබා ගත යුතුය.

ගොඩනැගිල්ලක සැලැස්‌ම අනුමත කරගැනීම සඳහා නගර සභාවට හෝ ප්‍රාදේශිය සභාවට භාරදිය යුතු ලිපි ලේඛන

01 ගොඩනැගිලි අයදුම් පත්‍රයක්‌ අදාළ මුදල් ගෙවා කාර්යාලයෙන් ලබා ගත යුතුය.

අයදුම්පත්‍රය විධිමත් පරිදි සම්පූර්ණ කොට ඉදිරිපත් කළ යුතුය.

හිස්‌තැන් නොතබා අදාළ නොවේ යන්න සටහන් කිරීම සුදුසුය.

සුදුසුකම් ලත් පුද්ගලයා විසින් සහතික කොට අත්සන් කළ යුතුය.

අයිතිකරු අත්සන් කළ යුතුය

අයදුම්පත්‍රය භාරදෙන විට වර්ග අඩි ප්‍රමාණයට අනුව පරික්‌ෂණ ගාස්‌තු ගෙවිය යුතුය.

02 නාගරික සංවර්ධන අධිකාරිය මගින් ලබාගත් මූලික සැලසුම් නිරාකරණ ලිපිය පිටපත් 02 න්

එම ලිපිය නිකුත් කළ දින සිට එක්‌ වර්ෂයකට පමණක්‌ වලංගු වන බැවින් වලංගු කාලය නොඉක්‌මවිය යුතුය.

මුලික සැලසුම් නිරාකරණය ඉඩම් අනු බෙදුම් කළ යුතු බවට කොන්දේසියක්‌ ඇත්නම් ඒ සඳහා ද අයදුම්පත්‍රයක්‌ ඉදිරිපත් කළ යුතුය.

03 අයිතිය සනාථ කරන ලියකියවිලි

ඔප්පුව - පිටපත් 02 න්

ඉඩම් ලියාපදිංචි කාර්යාලයේ අදාළ ඉඩම් පැවරුන පිළිවෙල පිළිබඳ ලේඛන වාර්තාවේ සහතික පිටපත්

වාර්ෂික බලපත්‍රයක්‌ නම්, බලපත්‍රධාරියා නමින් අයදුම් කළ යුතුය

04 ඉඩමේ මිනින්දෝරු සැලැස්‌ම පිටපත් 03 න්

බලයලත් මිනින්දෝරුවකු විසින් පිළියෙල කළ මානක සැලැස්‌මක්‌ විය යුතුය

අනුරේඛන සැලසුම් වලංගු නොවේ

05. වරිපනම් ලදුපත - පිටපත් 01

අයදුම්කරු නමින් වරිපනම් බදු හෝ අක්‌කර බදු ගෙවූ පෙර වර්ෂයේ හෝ පවතින වර්ෂයේ වරිපනම් ලදුපත් ඉදිරිපත් කළ යුතුය

අයදුම්කරු නමින් නොමැති ලදුපත් භාර නොගැනේ. එවන් අවස්‌ථාවල අයදුම්කරු නමින් වරිපනම් ලේඛනයේ නම් සංශෝධනය කර ගැනීමට නාගරික ගණකාධිකාරීගෙන් විමසිය යුතුය.

යමුනා කුමාරි මහානාම
සහකාර අධ්‍යක්‍ෂ (ගෘහ ආර්ථික විද්‍යාව)
කැලණිය කලාපය

නැන්දම්මා - ලේලිය ගැටුමට ෆෙං - ෂුයි පිළියම්

ඇඳ පෙනෙන හැටියට නිදන කාමරයේ කණ්‌ණාඩි එල්ලන්න එපා

නිදන කාමරයේ ජලය තියන්න එපා

ඇඳ පෙනෙන හැටියට නිදන කාමරයේ කණ්‌ණාඩි එල්ලන්න එපා.

ප්‍රධාන දොරේ දකුණු පැත්තෙන් ජලය තියන්නත් . හොඳ නැහ .නිරුවත් හෝ අඩ නිරුවත් කාන්තා රූප කාමරයට සුදුසු නැහැ.

පියෝනි මල් නිදන කාමරයේ තියාගන්න එපා.

මේ හැම ෆෙංෂුයි උපදෙසක්‌ම ලබාදෙන්නේ අඹු සැමි යුවළ අතරට තවත් කෙනෙක්‌, ඒ කියන්නේ තුන්වැන්නෙක්‌ ඒම වළක්‌වා ගන්නයි. මෙතැනදී තුන්වැන්නා විදිහට අදහස්‌ කරන්නේ සැමියාගේ සිත දිනා ගැනීමට අදහස්‌ කරන කාන්තාවක්‌. එහෙම නැතිනම් බිරිඳ සමඟ අනියම් සම්බන්ධයක්‌ ඇතිකර ගැනීමට උත්සාහ කරන පුරුෂයෙක්‌. නමුත් ඒ ප්‍රශ්න ඇතිවෙන්නේ පිටස්‌තර තුන්වැන්නෙක්‌ නිසානේ. ගෙදරම ඉන්න තුන්වැන්නෙක්‌ විවාහය අතරට ආවොත් තත්ත්වය හුඟක්‌ අසීරු වෙනවා. බරපතල වෙනවා. නැන්දම්මා ලෙලිය ප්‍රශ්නයත් ඒ වගේ දෙයක්‌. නැන්දම්මා තුන්වැනි පාර්ශ්වය විදිහට ගේ ඇතුලේ ඉඳගෙනම පුතාගේ විවාහ ජීවිතයට මැදිහත් වෙන්න උත්සහ කරනවා. මේක අතීතයට අයිති පරණ ප්‍රශ්නයක්‌ විදිහට සමහරු හඳුන්වනවා. එහෙම වෙනවා නම් ඉතාම හොඳයි. නමුත් අවාසනාවකට වගේ අද කාලයේත් බොහෝ ගෙවල්වල නැන්දම්මා සහ ලේලිය අතර තියෙන්නේ සීතල යුද්ධයක්‌. නැද්දම්මා ලේලිය දිහාත්, ලේලිය නැන්දම්මා දිහාත් බලන්නේ තමන්ට අභියෝග කරන්න ආව සතුරෙක්‌ දිහා බලනවා වගේ. ඒ වගේම තමන්ගේ පුතා තමන්ට නෙවේ වෙනත් ගැහැනියකට සමීප වෙලා ඉන්නවා සිතින් ඉවසන්න සමහර කාන්තාවන්ට බැහැ. හේතුව හා ස්‌වභාවය මොකක්‌ වුණත් නැන්දම්මා ලේලිය ගැටුම් සිත ඇතුලෙන්වත් දුරදිග යවන්න නරකයි. ඒකේ අවසාන ප්‍රතිඵලය හුඟක්‌ අමිරිහි එකක්‌ වෙන්න පුළුවන්.

නිවසක ඇතිවෙන්න පුළුවන් මේ තත්ත්වය මගහරවා ගන්න. ෆෙංෂුයි පිළියම් තිබෙන බව ඔබ මෙතෙක්‌ නොදැන සිටින්නට ඇති. කොහොම වුණත් මේ මොන ෆෙංෂුයි පිළියම වුණත් අත්හදා බලන්න කලින් නැන්දම්මාගේ හෝ ලේලිය දෙදෙනාගෙන් එක්‌ අයෙකුගේ ආකල්පවල වෙනසක්‌ නම් අනිවාර්යයෙන්ම සිද්ධ විය යුතුමයි. මේ දෙන්නාගෙන් කෙනෙකුට අනිවාර්යයෙන්ම මේ ප්‍රශ්නය විස¹ ගන්නට සැබෑ වුවමනාවක්‌ තිබිය යුතුයි. ඒ කැපකිරීම , පවුල් ජීවිතයේ සමගිය වෙනුවෙන් කරන්න ලැහැස්‌ති අය විතරක්‌ මේ උපදෙස්‌ පිළිපදින්න. අනිවාර්යයෙන්ම ඔබේ ප්‍රශ්නය එතකොට විසඳෙනවා.

මුලින්ම ( සාලයේ නිරිත දිග මුල්ල දීප්තිමත් ආලෝකයක්‌ දල්වා එළිය කරන්න. මේ මුල්ලේ ලේලියත්, නැන්දම්මාත් සතුටෙන් සිනහවෙමින් සිටින ප්‍රීතිමත් ඡායාරූපයක්‌ එල්ලන්න. එය තරමක්‌ ලොකු ඡායාරූපයක්‌ නම් වඩා හොඳයි. මේ පින්තූරය දකින විට ඔවුන් දෙදෙනාටම ඔවුන් අතීතයේ විවාහ වී පති කුලයට ආ මුල් දිනයේ ගරුත්වය මුසු ප්‍රීතිමත් ජීවිතය සිහිවෙනවා. නැන්දම්මා සහ ලේලිය ඒ දිනවල එකිනෙකාට කොතරම් ගරු කළාද, සැලකුවාද යන කරුණ මෙහිදී ඉස්‌මතු විය යුතුයි.

ඊළඟට ( සාලයේ නිරිත දිග මුල්ලේ මේසයක්‌ තබා ඒ මත පළිඟු බෝල දෙකක්‌ තබන්න. මෙයින් භූමි ශක්‌තිය පස ධාතුව සක්‍රීය වෙනවා.. එය නැන්දම්මාගේත් ලේලියගේත් බැඳීම තවදුරටත් ශක්‌තිමත් කරයි. මෙය පහසුවෙන් දෙදෙනාගේම ඇස ගැටෙන පරිදි තැබිය යුතුයි. මුනුබුqරන් හා මිනිබිරියන් යෑන්ග් ශක්‌තිය විහිදුවන ඉතාම සුබ කරුණක්‌ වේ. නිවසක මුනුබුරන් හා මිනිබිරියන් සතුටෙන් සිටියි නම් එහි නැන්දම්මා ලේලියගේ අඩ දබර හීන වේ.

දිගින් දිගටම නිවසේ අඩ දබර ඇතිවේ නම් බිත්තියක්‌ රතු පාටින් පාට කරන්න. සිතේ සිරකරගෙන සිටින තරහ ක්‍රෝධය වැනි සිතුවිලි ගින්දර ධාතුවේ බලයෙන් ඉවත් කළ හැකියි.

ලට්‌ට ලොට්‌ට හෙවත් අනවශ දෑ නිවසට අහිතකරයි එයට විසඳුම් ලබන කලාපයෙන් බලමු.

ෆෙංෂුයි පිළිබඳව ශ්‍රී ලංකාවේ ප්‍රථම
උපදේශක ජාත්‍යන්තර උපාධිධාරිනි
විශේෂඥ උපදේශිකා
තිලංගනී හේරත්
සටහන - චමිලා රසාදරී